黃埔DONKI老鼠貨架揀零食 外形毛色惹議：估計係食刺身大
黃埔DONKI再現老鼠！黃埔區向來鼠患嚴重，多年來都惹人詬病，早前連日式大型超市DON DON DONKI都受累，有市民發現店內貨架上突然出現一隻小型老鼠，疑似在挑選零食，不過其外表及毛髮顏色就成為關注焦點，有網民更笑言「估係食刺身大的」，隨即引來討論。
黃埔DONKI老鼠貨架搵食 外形毛色惹議
DON DON DONKI黃埔分店近日疑出現鼠患問題，有市民於本周三（28日）下午1時左右，透過社交平台「黃埔人•紅磡人•土瓜灣人」上傳一段影片，目擊一隻小型老鼠竟在貨架上來回走動，並在一款包裝蛋糕附近嗅來嗅去，如挑選心儀零食，惟影片沒有顯示老鼠最後的行動，因此無法確定是否有被啃食。
影片隨即引來討論，其中更有人對該老鼠的毛髮顏色十分關注，笑指「隻老鼠毛髮咁淺色，絕對唔會係坑渠老鼠，我估係食刺身大的」、「隻米奇會唔會喺日本坐飛機嚟㗎」、「識食喎！似係食三文魚生大，生得咁靚仔」、「隻米奇毛色咁乾淨似人養」；有網民更戲言「（佢）Shopping姐，搵食艱難」。
同日商場再鼠踪 居民投訴區內鼠患嚴重
事實上，黃埔區內一直存在鼠患問題。於同日（28日）晚上時段有其他市民在同一個商場內，拍攝到有老鼠出沒，並留言指「文具佬同美容舖中間條路，悠然自得」，但從顏色判斷未必與DONKI店內屬同一隻。另外多年來都有不少居民投訴區內多老鼠，對於今次DONKI出現鼠踪未感驚奇。
其中黃埔花園街坊曾稱：「老鼠每晚入夜八點零九點就會爬入客廳個花槽，我哋之前睇緊電視都畀佢嚇咗一跳」、「老鼠入屋情況日益嚴重，差唔多層層都有傳出有老鼠出沒」、「完全唔敢開窗，日日提心吊膽」。
DONKI荃灣分店曾現老鼠 店方就事件致歉
此前，DONKI荃灣海之戀分店去年10月亦曾出現老鼠，當時被拍到正在偷食蕎麥麵，DONKI最終就事件致歉，並棄置所有相關食品、為店舖作深層清潔，及採取捕鼠和驅鼠措施，承諾日後必定會加強防治工作。
資料及圖片來源：Facebook@黃埔人•紅磡人•土瓜灣人、Facebook@黃埔好東西
港生活人氣本地熱話
↓【限時搶⚡】送您JA-RICE日本石川輝煌越光米↓
↓米粒透白具光澤、米香突出，黏度適中↓
↓【限時搶⚡】又一城歡天雪地溜冰門票↓
↓假日消遣首選｜約埋親友享受滑冰體驗↓
