港男十年供樓血汗史!樓價倒蝕逾百萬不如租屋?慘呻︰注定一世做樓奴!

文: 劉澄儀
2025.05.31

究竟租樓定買樓好?近日,一名港男在社交平台上分享自己十年來的「樓奴」經歷,以$2380萬購入的物業,如今估值竟然蒸發$380萬!更計算十年來的供樓成本與租樓的潛在收益,結果買樓的總開支竟然比租樓多出數十萬,苦言「買樓蝕到喊!」,即睇下文了解事件詳情!

港男十年供樓血汗史

近日,1名3港人在Threads上發文指「成日有人講租樓定買樓好,自己做咗樓奴十年,依家計下究竟蝕咗幾多。」,分享自己供樓10年來的成本和收益,給打算買樓的網友作為參考。

樓主表示自己的樓宅十年前的買入價為$2380萬,現時匯豐銀行估值為$2000萬,即已蝕$380萬。而且樓主當時做六成按揭加發展商2按,首期為$930萬,而按揭金額為$1430萬,如以現時樓價並相同樣按揭比例計算,按揭金額只為$1080萬,即樓主按揭已多付$350萬。

如果租樓每月租金只需要一萬九?

樓主接著再計算十年前如果不買樓,改為租樓指「呢到租盤多年來都係4萬左右,有高有低啦,4萬係一個幾實在嘅價錢。」,以4萬計算十年租金支出為$480萬。

樓主續指,如果他當時是租樓,可將買樓首期的$930萬改為投資,如以2.5%投資回報平均值計算,$930萬的首期金額在十年間可帶來$250萬的收益。即十年間只需要支付$230萬的開支($480萬-$250萬),平均每月租金為$19,100。

樓主苦言︰買樓蝕到喊,注定一世做樓奴!

樓主透露現時自己每期供款約為$55,000,曾因利息浮動本金比率低息時試過每月供款低至$17,000,因此樓主以平均值$2萬計算,十年利息仍要需要$240萬。

再加上過去年十年$60萬的管理費(每月$5,000管理費),即十年來供樓支出最少需要$300萬,已比租樓的$230萬多,更未計算「樓價低嘅unrealised loss(未實現盈虧)。」。

樓主苦言「總括黎講係買樓蝕到喊 勝在有個家 注定一世做樓奴」,不過,他又強調:「如果樓價升,又真係日日賺,我有冇計漏左啲咩呢?」。

網民安慰︰賺左家庭和睦

帖文引來大批網民討論,網民安慰樓主放平心態,「賺左家庭和睦」、「你住多40-50年再計過,心態就不同。65歲後還要管錢跑數交租金壓力不少。」、「睇過一個人講,只要當樓好似消費品咁,新車落地唔見一半,你就會開心啲」、「計太多唔開心,你會唔會計下10年裏面你換咗幾多部電話?買咗幾多樣嘢用一兩次就無用過?」和「50歲後被人炒之後先hea都未遲」。

另有人表示「如果有能力,唔應該按揭咁多。如果無能力,一開始就投資平D的單位。」、「好彩你唔係21年買」、「十年前買估價輸緊似係你件貨有問題」、「其實你係一開波買啲二至三百萬嘅樓仔,根本10年後都供完啦,以你嘅能力。」和「買樓最大嘅風險就係樓價」。

▼原帖文▼

 

來源︰Threads@aquicktwist

↓【限時搶⚡】送您JA-RICE日本石川輝煌越光米↓

↓米粒透白具光澤、米香突出,黏度適中↓

↓米粒透白具光澤、米香突出,黏度適中↓