港女落訂$12萬買綠置居！單親媽媽欲邀新男友同居？ 網民力勸要撻訂：及早止蝕！

單親女買綠置居落訂$12萬

近日，1名港女在Threads上發文，指自己和母親一起申請綠置居，並已繳交12萬訂金，但樓主母親最近一直跟她說「想佢嘅男朋友之後同我哋一齊住」，樓主反對指「我係一個女仔，我點可能同個三唔識七嘅麻甩佬一齊住呀」，並因此多次吵架。

樓主續指「我媽已經冇乜工作能力，個麻甩佬都係廢柴一個」。詢問網民「如果繼續交易，我係咪損失會更加大？定係要及早止蝕？我應該點算好？」。

網民詢問更多資訊︰

• 「錢係你自己俾？」。
  • 樓主回覆「訂金我俾晒，相信裝修佢都冇乜錢俾」。
• 「無理由噠訂窩 唔見12萬」。
  • 樓主指「如果唔撻，繼續去嘅話我仲會使多咗錢，唔知到最後賣樓收唔收得返個本呢？」。
• 「你係咪一早預左自己負責出錢裝修、供樓？」。
  • 樓主表示「原本講明係我哋兩個自己好地地咁住 我先俾錢落訂。依家識咗條佬，就話想帶人上黎一齊住一齊供」。
• 「到時間屋落邊個名上會 12萬訂金係邊個比 ？好心你阿媽啦 女都生埋仲戀愛腦」。
  • 樓主表示「到時係我單名，我上會」。
• 「止蝕吧。同媽媽講叫佢去條佬嗰邊住就真」。
  • 樓主則指「果條佬係一個廢柴租緊劏房⋯⋯就係冇地方俾我媽住」。

點擊圖片放大

網民分享親身經歷！

有網民分享自己相似的經歷，指「以前我住公屋，老母就係問都唔問俾當時bf 搬入黎住。我係男都頂唔順，最後因為家用問題吵大鑊我決定離家出走。」和「我老母直頭同另一男人結埋婚，佢妄想過一齊同我住，我有個幾歲小朋友的，我當面拒絕了。」。

點擊圖片放大

網民撐撻訂︰這種人易請難送走！

不少網民支持樓主撻訂，「撻訂止蝕，你返左工你阿媽叫佢上黎你都控制唔到。」、「撻訂，你一生人只會後悔蝕左12萬」、「你媽完全係襯你比左訂先夾你，已經信唔過了。」、「止蝕穩陣，到時個男人趕埋你走你仲大鑊」、「止蝕！你仲後生，將來搵番呢12萬唔難。」、「用12萬撇甩條廢男都係性價比高過繼續落去」和「這種人易請難送走」。

+5

+4

點擊圖片放大

另有人指責樓主母親「戀愛腦」不思考後果，「當比12萬睇清楚你阿媽，佢太自私，都無為你諗下。」、「我都係人阿媽，我絕對唔會搵個男人返來同我個女一起住。」、「你媽真係有問題，個男人有本事就自己租屋同你媽住」、「40幾歲人唔係話唔可以戀愛腦，但係都要分莊閑囉」、「依家啲阿媽咁唔生性」、「無做媽媽責任，亦都唔保護自己女兒」。

+4

+3

點擊圖片放大

樓主留言事件後續，指自己已決定及早止蝕，表示「唔買啦，我同佢（樓主母親）都反晒面」。

▼原帖文▼

來源︰Threads@conceptshop68