前TVB主播麥詩敏蜜遊意大利因做錯一件事 8個月後收天價牛肉乾：等於香港兩張罰單！
前TVB新聞台主播麥詩敏（Gloria）去年9月與圈外男友何澤彬（Jasper）結婚，10月飛到意大利度蜜月。近日麥詩敏拍片分享一事，在旅遊8個月後竟收到由意大利寄來香港給她的罰單，罰款金額亦非常驚人！
麥詩敏收意大利天價牛肉乾
麥詩敏於IG分享影片，留言：「天價意大利牛肉乾，大家有冇試過自駕遊收到罰單？」她在去年10月於意大利旅行自駕遊，於當地超速。8個月後，麥詩敏收到由意大利寄來香港的罰單。她指至於罰單上顯示罰款分為三個銀碼，分別為72.5歐元（約647港元）、85.1歐元（約760港元）及129.6歐元（約1,157港元）。
麥詩敏又指她應該繳付約760港元，「如果你喺罰單發出後5天內交就最平，但因為我哋係郵寄嘅關係，咁就已經過咗（限期），咁我哋要畀個價錢就係85.1歐元（約760港元），七百幾八百蚊港紙，勁貴，等於香港兩張罰單。如果再拖幾個月都唔交，（罰款）就再貴啲喇，要畀129.6歐元（約1,157港元）。」
呼籲自駕遊要遵守交通規則
麥詩敏呼籲大家自駕遊要遵守交通規則，「其實我係舊年10月去意大利，而家已經係6月，即係經過8個月張單都係會順利送到去你府上，唔使諗住走得甩，去自駕遊真係要好了解當地嘅交通規則。」不少網友亦分享自己曾在外地自駕遊被罰款的經驗，「日本！！！都要成千蚊」、「澳洲衝紅燈要畀544 AUD（約2,768港元）」、「試過，Bologna 入停車場前誤入巴士線，罰咗近100歐（約895港元）」、「我喺挪威幾個鐘內食咗兩張違泊牛肉乾，每張800元港幣。最慘真係唔知邊度泊得邊度唔得。」
圖片：麥詩敏IG
原文：U Travel
港生活人氣娛樂新聞
↓U Lifestyle夏日狂賞祭☀️↓
↓6月超值禮遇天天有，驚喜不斷送↓
↓勁賞KAGOME升級版「野菜生活100」體驗套裝↓
↓甘筍蔬果汁、提子蔬果汁↓
