刑偵12｜林保怡「一分鐘覺醒戲」晒天花板演技 網民稱神：真係冇幾多現役演員做到！
TVB劇集《刑偵12》近期熱播，當昨晚（9日）劇集交代道原來飾演家姐的陳法蓉，原來早已三十多年前被殺害，而弟弟林保怡隨後上演的一氣呵成的「一分鐘覺醒戲」，5大情緒轉折更成功震懾一眾網民，被指為「天花板演技」，獲網民紛紛稱神：「真係冇幾多現役演員做到」。
林保怡「一分鐘覺醒戲」大晒天花板演技
昨晚（9日）劇情最驚爆之處，是丁洛風（林保怡飾）家姐丁少芸（陳法蓉飾）原來早於三十年前已被殺害！正當鏡頭前洛風與少芸為了何妙雪（陳自瑤飾）飯團店失火一事爭拗不已時，刑凱（張振朗飾）忽然致電洛風，指近日發現的未成年少女駭骨，是屬於其失蹤多年的姐姐丁少芸，令觀眾與丁洛風本人同時大感驚爆。
「丁洛風覺醒」戲碼雖然只有一分鐘左右，但別具心思的鏡頭拍攝、剪接，貼題緊張的BGM、再配以林保怡超班的演技，令整場戲張力十足。該幕場口由張振朗致電林保怡告知陳法蓉死訊一刻開始，便是林保怡的演技Show time！保怡聽到家姐死訊後先是驚訝的睜大雙眼、並皺著眉難以置信地問刑凱：「你再講多次？」
之後鏡頭一轉，是丁少芸的死亡報告、人臉拼圖及昔日的美麗容貌（王菲飾演丁少芸年青版）；而隨著年青版少芸呼喊丁洛風全名，鏡頭緊接是淚眼陳法蓉望向神經質皺著眉的保怡後，再傷心地望著手上的手扣，二人在暗黑的飯廳，冰冷又無力地對峙著…
接著丁洛風向電話怒吼：「冇可能！佢喺我前面」，之後一個大wide shot，原本坐著陳法蓉的位置變成空無一人，林保怡則拿著電話慢慢走向只剩下手扣的飯枱，並慢慢放下手上的電話、神色凝重的拿起手扣兼四處張望，眼神空洞之餘又帶點慌張，配以最後神經質的微仰頭部、及明顯的繃緊面部神經及頸部肌肉，以實力證明了甚麼叫「渾身是戲」。
林保怡這一幕「一分鐘覺醒」戲碼，不少網民大表讚嘆，直指是天花板演技實力見證，並大讚劇姐「開估」這一幕拍得相當有戲：「啲微表情真係冇幾多現役演員做到」、「林保怡真係一Shot同你做到尾，仲要全部都有戲」、「林保怡有機會攞今年最佳男主角，的確演得好。」
對於該幕，監製接受訪問時，透露是與兩位主演林保怡及陳法蓉，在拍攝現場群策群力的結果：「嗰場戲係好考功夫，我哋喺現場對咗好多次，就算簡單到個手扣應該擺喺櫈、擺喺枱、定扣喺盞燈度，點令觀眾有好Shocking嘅效果，我哋三個都研究咗好耐好耐，最後先得出呢個方法。單係由保怡扣完家姐手扣、到接電話、到仲見到家姐喺度喊、到再行前一步望清楚原來『家姐』只係空氣，成個過程我哋喺現場都行咗好多次同對咗好多次。」
昨晚還有一幕交代林保怡之前與陳法蓉同場的場口，其實全部只是保怡的幻想，看著鏡頭前的保怡對著空氣溫馨、開心地自言自語；或是孤身一人拿著兩場戲飛入場看戲，再配以與「陳法蓉」在場的對比剪接，令整件事更覺毛骨悚然。監製坦言拍攝時確是相當費事，但為了拍出好的效果，台前幕後不但爭取時間拍到最好，而且大家都是零怨言：「其實穿橋嘅拍攝我哋係拍咗海量咁多，好似嗰場睇戲場口，我哋先要設計好售票員要有錯愕嘅反應先，然後拍一次保怡同陳法蓉兩個人入，再拍一次保怡一個人入，而且所有現場其他嘢要一模一樣，所以係好花時間嘅。其實呢部戲好多好多場口，為咗符合番個主題，我哋都拍咗好多款同情景，但因為片長關係，好多都擺唔到落去，只能夠到揀選最震撼嘅場口剪出嚟畀大家睇。」
港生活人氣娛樂新聞
【免費領取】HK$1,000 美妝購物券💰
↓無最低消費門檻，直接當錢使😍😍↓
↓【限時搶⚡】送您NOVamber十一悦山茶花精萃 Q10 護心茶油丸↓
↓加強心臟營養，改善心臟機能↓
