港婦慘被菲傭偷走20多件金器首飾 損失數十萬！僱主嘆：一件都追唔番！質疑當舖為何接收懷疑賊贓物品
《東張西望》近日報導，僱主劉女士早前聘請了一名菲傭照顧孫女，雖然曾有財務公司上門追討，但因其一直表現良好，便幫助她還了部分欠款並續約。怎料有天女兒收拾東西時發現20多件金器首飾不翼而飛，質問菲傭後得知全部首飾已被典當！最後報警處理，可惜為時已晚，已經「一件都追唔番」，即睇下文了解事件詳情！
僱主慘被菲傭偷走20件金器首飾
劉女士日前向《東張西望》報料，指自己聘請了一名菲傭照顧孫女，雖然曾有財務公司上門指她欠債，但因菲傭表現良好加上女兒臨盆在即，於是便幫助她還了部分欠款並續約。
有天，女兒收拾東西時發現，原先擺放在床下底膠箱內的20多件金器首飾不翼而飛，於是質問菲傭。菲傭表示是自己拿了，並拿出多張當票給劉女士，在同一間當舖一共典當了約6萬元。
劉女士亦馬上報警，警察上門後拘捕該名菲傭，亦嘗試向當舖討回金器，可是當舖表示已全數賣光，「一件都追唔番。」劉女士指未計算金器損失，單單講鑽石飾物「嗰3樣嘢都應該超過10萬蚊。」
雖然菲傭最終被判監4個月，但劉女士認為當舖都要負上責任，不但欺負菲傭不知金器首飾的定價，更「用咁低嘅價錢去接收一啲明知或者係懷疑係賊贓，完成係唔洗負任何責任」，認為應有法律杜絕相同事件發生。
涉事當舖咁回應...
《東張西望》亦致電涉事當舖質詢，當舖指「無㗎啦喎，我哋賣咗㗎啦，我哋啲生意都係做外傭，所以就唔會有咩奇怪，如果佢報咗警，就警方做嘢㗎啦，我哋做唔到啲咩嘢。」
網民斥︰自己責任最大
事件引來大批網民討論，不少網民認為事主責任最大指「請工人點解一點防備心都無」、「屋企買一個夾萬仔收起佢有幾難？」、「貴重物品點解唔放保管箱，自己責任最大」、「自己啲貴重嘢唔收藏好，仲賴落當舖度」、「防人之心不可無」、「杜絕方法早就有，呢個世界有保險箱呢樣野」、「引人犯罪」和「自己唔收好啲嘢仲賴當舖？」。
來源︰東張西望
港生活人氣本地熱話
【免費領取】HK$1,000 美妝購物券💰
↓無最低消費門檻，直接當錢使😍😍↓
↓【限時搶⚡】送您NOVamber十一悦山茶花精萃 Q10 護心茶油丸↓
↓加強心臟營養，改善心臟機能↓
