明明是給主婦睇,但唔知點解《都市閒情》這5個環節全部後生仔都會睇過

文:
2015.07.07

最近曾憑佢在《都市閒情》中表現獨特舞步而成名的阿舜,經網民花了多年尋人,終於搵到佢Facebook帳戶,佢嘅出現令小編不禁諗起《都市閒情》呢個節目入面好多心入民心嘅畫面,明明係畀主婦睇,但唔知點解全部後生仔都會睇過,而家就一齊重溫一下。

(右圖就係今日嘅阿舜,佢改咗名做黃忠,仲結埋婚,就嚟做人父啦!恭喜!)

1.今晚食乜餸

呢個環節最好睇當然唔係睇班烹飪專家教煮餸,而係大王安德尊同李錦聯嘅大激鬥,你一招「無敵鴛鴦鏟」,佢一句「靠唔靠得住」,觀眾真係睇得好和味!

 

2.狀元駕到

每年公開試放榜,《都市閒情》都會搵嚟一班新鮮出爐嘅10A、9A……狀元上節目分享下讀書心得,小編都真係學到好多嘢,讀書最緊要勤力,平時有問題就要大膽發問,上堂之前就要避課,答題時候就要睇清楚題目……呢個節目真係好勵志,唔少考生都以上節目為目標㗎!

 

3.新歌派台

你哋都知而家做音樂幾難㗎啦,《都市閒情》一直擔任推動本地樂壇發展嘅角色,定期都會介紹一啲新歌手同新歌畀各位,好多而家嘅一線歌手,當年都上過去表演。

 

4.OK仔與 彭健新

 彭健新有一排成日上《都市閒情》,客串埋竉物環節,佢基乎每次都會帶埋佢隻三色松鼠愛犬OK仔出鏡,當佢係親生仔一樣,觀眾因此就同OK仔做咗朋友,可惜,OK仔今年5月已經病逝 :( 

 

5.鬥戲連唱鬥一番

小編夠膽講《都市閒情》係無線最互動的節目,講緊唔係普通打電話或者Fun Fun選,而係真係畀你發揮演藝天份,就好似呢個叫「鬥戲連唱鬥一番」嘅環節,每次都考驗參加者嘅唱歌同演戲能力,曾經製造唔少經典場面,當中包括最近潛伏多年,呢幾日重現人間嘅阿舜,佢當年表現《娃娃愛天下》嘅畫面仍然留喺好多人腦海中!

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓ 【您去玩我找數】勁送$1000旅行資助金💰↓

↓ 領取資助金,用$0去玩不是夢~↓

↓ 領取資助金,用$0去玩不是夢~↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓