網紅中醫診所態度差藥價超離地！同款藥淘寶僅售$20貴足40倍？投訴後職員咁回覆...
香港中醫診所疑賣淘寶藥？日前，一名女網民發帖公審九龍灣一間網紅中醫診所，指其針灸收費高達$5,100，當中$800為醫師推薦中藥，該藥卻被發現在淘寶僅售$20，成分幾乎一致，價差近40倍？當她要求退款時，診所態度急轉直下，甚至語出不遜。事件引發網民熱議，紛紛留言炮轟，「呢個千年黑店唔係新鮮事」、「點解收$5100咁貴」。
網紅中醫診所藥價離地 同款藥淘寶僅售$20？
該名女網民於Threads以「做生意用咁嘅態度對客係咪有問題？」為題發文，表示早前在九龍灣某網紅中醫診所進行針灸，「埋單$5100，其中$800係個醫師叫我買佢個藥，佢仲話送多盒畀我」。
當時事主不以為意便直接付款，離開後，她才發現藥盒上印有簡體字，於是嘗試「上淘寶搵下」，很快便找到了同款藥物，只需人民幣20元就買到。她比較了兩款藥物的成分和商標，發現幾乎是一模一樣，但價錢相差近40倍。
投訴後獲診所職員超離譜回覆...
事主表示，當時已馬上私訊診所並作出投訴，卻獲診所職員離譜回覆，「佢就答我係畀錯藥，仲話係個醫師心緒不寧」。她不接受相關說法並要求退款，起初職員表示「退錢是沒有問題的」，其後又改口稱退款部分要交由醫師處理，期間更試圖以診所老闆患有癌症、令醫師心緒不寧為由博取同情，前後說法不一。
▼即睇診所職員離譜回覆（附對話截圖）▼
一講退錢...診所即現真面目
眼看事主堅持要退錢，診所態度開始變得越來越惡劣，更錄音反擊她，「你係高尚人 咁樣話我啊？ 」、「我打份工唔係俾你X 」、「點解你可以咁樣嘅？」。事主形容對方語氣激動，言辭粗魯，言辭相當不禮貌。其後她直接聯絡診所老闆理論，對方同樣態度強硬，不但要求她補付原本「贈送」的豐胸療程費用，甚至叫她去報警、向消委會或醫管局投訴。
事主表示現已放棄退款，對方亦提供藥物來自香港的證據。但她坦言最難接受的不是退款問題，而是診所對客人的態度：「話晒我都喺舖頭消費咗成五千蚊，都唔係一筆細數目啊。再者我自問態度並冇問題，況且我係消費者，作為商家咁嘅態度真係正常咩？」
網民鬧爆：呢間診所黑店唔係新鮮事
事件引起大量網民熱議，不少人炮轟中醫診所做法離譜，更直言：「德X堂呢個千年黑店唔係新鮮事」、「網紅蘇XX間垃圾中醫原來真係有人去」。有網民指出，涉事藥品其實屬於某藥廠代理，在香港有註冊和零售渠道，「果盒香港註冊中成藥建議零售價68元」、「香呢一款藥都係某藥廠代理香港有得賣，都係賣緊$80蚊左右！」。
天價針灸費？網民轟收智商稅
除藥價問題外，事主提及整個療程收費高達$5,100亦備受質疑，有網民對價格感到難以置信，「$5,100針灸？老實講，真係智商稅黎...」、「做乜唔講下點解收$5,100咁貴，如果一次根本冇乜可能？」、「我都想問點樣睇中醫睇到$5,100」。亦有人揶揄：「減肥囉，要幾蠢先會做呀，食少$5,100蚊仲瘦啦」、「佢呢間網紅嘢，你睇佢個女整到咁都去」。
▼網民留言▼
來源：Threads
港生活人氣本地熱話
↓請您去英匯劍擊學院小小劍士體驗及實戰班↓
↓額外免費體驗一次Fencing Night實戰班↓
↓【限時搶⚡】請您食am.pm黑糖厚鮮奶梳乎厘↓
↓品嚐沖繩黑糖與鬆軟梳乎厘完美融合↓
