連鎖酒樓$29.9蒸魚優惠 茶錢連加一埋單$47.5！激抵價網民1原因話唔出奇？

一條蒸魚$29.9？港人食後直呼「好抵！」

有港人於連登討論區以「點解X香$29.9條魚咁平冇人講？」為題發帖，分享日前（7日）試食某連鎖酒樓推出$29.9清蒸龍躉斑限時優惠，他直言「蒸魚冇得預制喇卦？」，並大讚：「真心好抵食，平過街市買」。

點擊圖片放大

樓主亦上載當日享用蒸魚的實拍照片及餐廳宣傳海報。從照片見到，龍躉斑目測約有12兩左右，火候控制得十足，配上蔥絲與蒸魚豉油，賣相吸引，令人食指大動！

網民覺得唔出奇：一蚊雞都做得出啦

帖文引起不少網民關注，但大多數人對此類「激平優惠」早已見怪不怪，直言「1蚊雞都做得，29.9魚不感到意外」、「一蚊雞都做得出啦，30蚊條魚有乜好吹奏」，亦有人質疑優惠價背後另有「伏位」，推測餐廳可能以平價蒸魚吸引入座，再透過其他收費項目如茶位費、加一服務費等補回成本。

有網民則擔心「激平背後」可能另有內情，「預製魚？」、「 預製菜」、「都係預制，先做到半熟再急凍，落單就蒸熱」。有網民則分享個人經驗，批評該酒樓衛生情況欠佳，「呢間野，去過幾間分店都係連d餐具都洗唔乾淨，上手d食物漬仲係度，真心仲食既係痴線」。此外，更有網友貼出街市賣魚實況，指平價魚並非罕見，相片中可見價錢牌寫著「野生海魚 滾湯魚 1蚊／份」，目測每份至少有7條。

▼網民留言▼

+10

+9

點擊圖片放大

樓主留言補充稱「$47.5埋單」

其後，樓主亦有補充個人用餐體驗，指當日酒樓採自助形式用餐，「唔洗睇人面色你，自助夠快」。同時，他亦公開埋單金額，表示實際消費為「$29.9 + $16茶錢 + 加一」，合共約$47.5，直言以這個價錢食到清蒸龍躉斑已屬抵食之選。

有人大讚抵食：茶記食蒸鯇都唔止啦

有網民看後力撐樓主，指今次優惠屬「真心抵食」，紛紛留言「加埋白飯應該埋單七十到，茶記蒸魚而家應該都80以上」、「蒸埋畀你，上碟靚靚仔仔，有成斤重，仲想點姐？」、「而家連茶錢加一唔洗五十蚊埋到單，唔知仲想點」。

來源：連登討論區