葉蒨文鏡頭前醋意大發霸氣認愛 因東張女神一句大讚曾展望而露出馬腳
TVB戀綜真人騷《女神配對計劃》持續熱播中，葉蒨文（Sophie）和曾展望（GM）第一集高調曖昧引爆全城熱度，原來在節目錄影完畢之後，兩人接受訪問更加在鏡頭前大耍花槍，葉蒨文就因為《東張》女主持一句話而即時霸氣認愛。
葉蒨文鏡頭前醋意大發霸氣認愛
葉蒨文與曾展望在《女神配對計劃》裡的發展備受矚目，雖然兩人之間只是萌芽階段，但已經成為外界眼中熱戀中的一對。而《東張西望》早前探班採訪時，為兩人安排深情對話，更起哄GM再表白，不過怕醜的GM即時臉紅耳赤。當主持追問葉蒨文喜歡他哪一面，葉蒨文就直線出擊：「我想見多佢幾面」，GM害羞得支吾以對，反應如同情竇初開一樣。
因東張女神一句大讚曾展望而露出馬腳
之後，女主持鄧凱文聽到GM再一次大談「追求宣言」，就大讚GM「OK喎」，不過葉蒨文道即時「宣示主權」，醋意大發後霸氣認愛：「佢已經係我㗎啦，你唔好諗啦」，一樣害羞得相當難為情。
地獄賽制曝光｜葉蒨文「三角枱約會」
《女神配對計劃》第二集還曝光了首輪配對環節—三角枱約會實況，主角是葉蒨文Sophie與她三位成功登陸的「求愛勇者」—曾展望GM、「金絲眼鏡房祖名」林堡熙Eddie及陽光男孩林澤謙，其中Eddie及林澤謙均為港隊，前者為閃避球港隊、後者為手球港隊，而這場「三角約會」雖然只曝光了3分鐘，但已感覺腥風血雨。
兩大港隊精英夾擊GM火花四濺
三位之中，率先進場的是阿謙，他與Sophie先是禮貌地互打招呼兼寒喧；當Eddie進場後，Sophie即介紹二人認識，當二人知道對方都是港隊時，竟不約而同露出「戰狼」般的眼神，Sophie見狀即搞笑說：「畀啲掌聲大家」，更邊說邊拍手企圖緩和氣氛，相當大方得體又機靈。而為了不讓任何一方感覺被冷落，Sophie全程落力兩頭擰，又笑言：「咦？死喇，我唔知望邊！」盡顯傻氣又貼心一面。
二人中較為進取的Eddie，除一來已大讚Sophie靚得健康自然，又主動出擊：「我都可以同你玩閃避球」，還邊說邊甜笑怕醜望枱：「如果你鍾意玩。」豈料卻換來全程表現謙厚的阿謙一句得埋去：「佢鍾意打網球。」Eddie聞言即露出鋒利眼神。
正當二人戰意飆升時，曾展望GM風度翩翩的進場吸引了全場目光，Sophie更開心得連環甜笑兼傻笑，GM亦乘機大讚女神「好靚」搏取好感。Eddie眼見GM進場贏盡頭威後，則忍不住酸溜溜謂：「GM一入嚟，我就覺得，喲！原來係同事，即係一早識嘅，咁應該會好多嘢講吖。」
「三角枱約會」最低分者隨時被淘汰
節目尾聲，金牌媒人兼主持人林盛斌阿Bob出場，揭示了這場「三角枱約會」的潛藏規則，一個不留神，成餐飯分分鐘連女神正面都見唔到之餘，更有機會隨時被淘汰：「製作組根據Sophie揀偶條件set咗一啲考驗，每個回合贏咗嗰位，就可以喺嗰味餸度，面對面去了解同溝通多啲，另外兩位就唔好意思喇，淨係可以望住側或者背面。經過咗三個回合，最低分嗰個，唔好意思喇，係有機會被淘汰。」
【延伸閱讀】
港生活人氣娛樂新聞
【社群請睇騷】送太陽馬戲團KOOZA門票🤹♂️！
↓勁送Miracle Plant澳洲全天然香薰安眠香水↓
↓促進身心放鬆、提升睡眠質素↓
