張振朗罕談拍拖6年預告會突然閃婚 甜蜜示愛「護身符」論冧爆女友楊偲泳
TVB視帝張振朗（Owen）在2019年與楊偲泳（Renci）公開戀情，有指二人於朋友聚會上認識，不過這對小情侶一向愛得低調，雖然二人拍拖6年感情穩定，但卻鮮有合照放閃。不過日前張振朗就罕有談及與女友楊偲泳六年的感情，更甜蜜示愛：「我哋擺明運氣夾，直情係護身符！」
張振朗罕談女友楊偲泳
張振朗六年前開始與楊偲泳交往，由相戀至今二人事業齊有突破穩步上揚，就連Owen也認同與女友互相催旺事業，「我哋擺明運氣夾，直情係護身符咁，哈！」交往六年，Owen認關係穩定但不急於結婚，「我係好傳統嘅，到而家都鍾意同屋企人住，當然想會想做呢件事，而家關係係好舒服，但要等多一陣，因為我同佢都衝刺緊。」
張振朗唔排除突然閃婚
不過他亦唔排除突然閃婚的可能：「我哋係好chill嗰種，突然之間聽日做都唔出奇。」由於自細成長於溫暖家庭，張振朗入行至今的目標，仍是希望儲夠錢置業，買一間可以容納八個人同住的獨立屋與家人一起生活，問他是否包括父母及哥哥一家四口，他說：「無錯！佢哋六個之外仲有一個係邊個呢？哈哈！同屋企人一齊住好開心呀。」
婚後想同家人住
至於問及孖女友跟家人一齊住會否缺乏二人世界或私人空間，Owen回應：「咁好開心喎！到凌晨佢哋瞓晒覺嘅時候，自然有私人空間。最好係一幢四層樓嘅獨立屋，一人一層，地下畀大家一齊玩，所以我要好努力搵錢。」
港生活人氣娛樂新聞
【☀️Chill賞放大假】夏日大激賞🎁
⬇ 逾800份人氣禮品！贏走樂園門票／酒店住宿／自助餐 ⬇
↓【限時搶⚡】賞您Cetaphil舒特膚三重溫和煥膚酸系列↓
↓溫和去除死皮和老化角質｜改善膚質↓
