月入17K港男2原因唔敢辭職轉行！列個人開支表呻冇家底睇唔到將來！ 好似一出世注定做基層？
一名月入17K港男在連登討論區發帖，慨嘆自己冇家底、儲錢困難，更因2大原因不敢辭職轉行。他坦言一在父母眼中，家用似乎是他唯一的價值，甚至開始懷疑自己只是父母的「養老工具人」，直言「睇唔到將來，好似一出世注定做基層」。帖文引起大量網民熱議，有人批評他故意「扮窮」，亦有人建議他轉行學手藝，「你肯做 大把炒散都請」。
每月開支過萬元 港男呻「睇唔到將來」
該港男於連登討論區以「月入17k冇家底 睇唔到將來」為題發帖吐苦水，他表示自己年近30歲，正職月薪約$17,000，扣除強積金後，加上兼職車廂清潔員的收入，每月總收入約$18,000。然而，港男每月仍有不少必要開支，月花過萬元，儲蓄困難，令他對前路感到迷惘。
▼29歲港男每月開支表▼
港男想辭職讀書轉行 阿媽一句話令人卻步
現時港男每月儲蓄約$7,500，至今超過9萬元，他原本計劃辭職報讀登記護士（Enrolled Nurse，簡稱EN）的全日制課程，望能轉型入行。但當他向母親表明辭職讀書的打算時，卻遭到強烈反對，「叫我唔好搞咁多野返而家份工就算」。
原來媽媽認為，兒子已有穩定工作，無需冒險轉行，建議他安於現狀。港男細想後，從事登記護士一職起薪點只有$22,000，「又唔係高而家好多，但係RN（即 註冊護士）又唔收我」，加上缺乏家庭支持，只好無奈放棄辭職升學的計劃。
港男自覺淪為父母「養老工具人」
港男坦言自己出基層家庭，「乜野資產都冇留比我」，而媽媽眼中只有家用，加上對方即將退休，他擔心未來經濟壓力只會愈來愈大，甚至開始懷疑自己只是父母的「養老工具人」，直言「好似一出世就注定做基層」。他亦透露，自己樣貌普通，年近30歲仍未拍過拖，更擔心未來孤苦無依，「咁我老左點呀 有冇人比家用我呀！」
港男說：「老母有家用收，安於現在收成期就夠，根本我只係用黎養兒防老既工具人，乜野資產都冇留比我，比飯我食養我廿年就想我保障佢地既退休生活！」
港男寄望1件事：搵人幫我一次
面對前路茫然，港男在文中誠懇表示願意學任何手藝如水電煤，「冇巴打可以帶我學門手藝？」他強調，自己並非怕辛苦，只希望有人肯給他一個改變命運的機會，「人工有$25,000以上，四、五十歲都仲有工開，咁就夠喇」。港男最後一句更令人動容：「比個機會我，搵人幫我一次咁大把！」
網民質疑誇大其詞：又係度扮窮
帖文引起大量網民討論，有人質疑樓主所謂「無出路」只是誇大其詞，「又係度扮窮，明明有錢」、「3千蚊娛樂咁正仲話辛苦？」、「月入17K，但見你賭波啲錢輸極都仲有」。亦有人直言：「30歲先嚟讀書？以前細個唔讀？」、「好彩你冇拍拖，唔係嗰9萬即刻冇晒！」
▼網民質疑▼
網民提出實際建議「你肯做大把炒散都請」
不過，亦有不少網民表示理解並分享自身經歷，「我同你差唔多，人工唔夠15K，但行路番工，星期6/日會番PT清潔」，更有人提出實際建議，「你仲後生仲有好多時間可以累積資本」、「學門手藝啦，AI取代唔到既」、「辛苦啲搵副業做囉，你肯做大把啲乜X炒散都請㗎啦」。
▼網民點睇▼
港男留言補充 無奈訴盡家庭現實
對於網民批評他「扮窮」，港男亦逐一回應，坦言外界根本不了解他的家庭背景。「你見唔見到我有提及過我老豆，佢一世人從來冇返過工，拎綜援拎到65歲拎生果金，點X玩呀？」他無奈表示，如果家中有資產可以承接，即使每月交雙倍家用他都願意，但現實是「乜野都冇留比我」，反而要一力承擔照顧母親的責任。至於「3千蚊娛樂咁正」的說法，他亦有作出回應：「計埋份清潔都差唔多18K，係咪拎3,000食下野買下野都唔得呀？日日做苦行僧先合格呀？」
來源：連登討論區
港生活人氣本地熱話
↓U Lifestyle夏日狂賞祭☀️↓
↓6月超值禮遇天天有，驚喜不斷送↓
↓《Chill賞放大假》大派海洋公園水上樂園門票！↓
