打工仔見工遇6大奇怪問題！要睇「皮膚健康程度」?事主笑言︰暗瘡人要失業了

見工要睇「皮膚健康程度」

近日，一名港人在Threads上以「書店臨時工招聘要考慮到皮膚健康程度」為題發文，指自己應徵臨時書店助理員時，需要回答6條問題，當中數條問題令樓主感到非常奇怪，於是便和網民分享。

從樓主上傳的圖片可見，書局共問6條問題，要求應徵者回覆，問題包括︰「您的皮膚狀況是否健康？（因為老闆對滿臉暗瘡人士有顧慮）」、「本公司要求應徵者性格外向及健談。請詳細說明並舉例。」和「請回答您熱愛哪種運動？曾否獲得獎項？」等。

點擊圖片放大

對此，樓主笑言「暗瘡人要失業了，同埋運動能力？有冇攞獎？」書店無理的要求令樓主不禁坦言「小弟冇滿面暗瘡，但覺得呢個招聘有啲好笑。」

樓主其後留言指，發現該招聘廣告已下架，雖然他沒有回答書店的問題，但亦提醒網民小心「因為小弟之前返工畀人呃，嗰份工又係面試問埋啲奇怪嘢，希望大家以後搵工嘅時候，覺得奇怪就唔好答！」

點擊圖片放大

網民批評：臨時助理都要答咁多問題

帖文引來大批網民討論，不少人指書店提出的問題很奇怪「啲問題似Speed dating（極速約會）多過見工」、「老細係咪驚員工返返吓工走去擳暗瘡」、「臨時助理都要答咁多問題，呢類工唔係有手有腳有呼吸就請既咩」和「佢話睇樣嘅咁有可能有機會佢叫你出去交收企街問人哋收唔收書」。

+2

點擊圖片放大

亦有網民笑言「健康，但返工就會爆瘡」、「運動攞獎嘅，我走去做全職運動員啦，仲幫人執書咩」、「話唔定第二round（輪）面試，老細要測我體能」、「返工有壓力咪爆瘡」和「唔講以為我搵緊運動教練的工」。

+3

+2

點擊圖片放大

《殘疾歧視條例》咁列明...

第487章《殘疾歧視條例》將殘疾定義廣泛，涵蓋大部分人可能遇到的疾病及損傷，僱主不應以殘疾為由而歧視求職者及僱員，除非該人士的殘疾令他/她無法執行該項工作的固有要求，且提供遷就會對僱主構成不合情理的困難。

▼原帖文▼

來源︰Threads@88.2.1