女神配對計劃｜曾展望霸氣愛的宣言過份進擊 「絕對唔會放過任何一個機會捉住佢」

自揭公開表白後對葉蒨文更堅定

曾展望（GM）昨晚（22日）一集確是火力全開追女神，惟因火力過猛反而令葉蒨文有點卻步！除因GM醋意大發勸阻葉蒨文買咖啡給其他異性，GM真摯又脆弱的「我不懂拍拖」剖白，更令葉蒨文坦言有壓力。

GM霸氣愛的宣言：絕對唔會放過任何一個機會捉住佢

GM剖白全文：「拍咗拖我覺得我都幾緊張女朋友…我驚我自己好鍾意一個人，點解好似成日扮到咁瀟灑呢？其實有陣時好驚自己好鍾意之後會好Hurt，所以一有啲鍾意喇，就同自己講，唔好咁鍾意，因為我覺得每次自己好認真嘅時候，好似都會出事，所以其實我平時都好少可會想公開追女仔，但我見到你之後真係有個念頭，想試吓照顧你。」又透露自公開表白後「對Sophie更堅定」：「我絕對唔會放過任何一個機會去捉住佢。」

+5

+4

點擊圖片放大

葉蒨文一度感動至眼濕濕

GM的真摯剖白雖令葉蒨文感動至眼濕濕，但她事後接受製作組訪問時，坦言招架不能：「其實我招架唔到，好似好快咯，我唔知點反應…我鍾意咁深情、有一種偏愛嘅感覺，但係第二次見面咋喎，其實我哋都有好多價值觀嘢未傾過，就要我承諾一啲嘢，我就會覺得有啲壓力。」