巴士「大站」無人撳鐘飛站？車長被批心地唔好 網民激辯1招可免爭拗
近日一則由疑似九巴車長發出的帖文引發熱議，事緣71S路線巴士行經大埔廣福街市站時，因無人按落車鐘而直接「飛站」，該車長更在文中表態指「再唔撳鐘就車晒你哋返火車站」，此舉隨即引來網民兩極反應，
巴士「大站」無人撳鐘飛站車長被批心地唔好？
該帖文稱「廣福街市唔撳鐘丫啦，全部人載晒去宏福苑落車，再唔撳鐘就車晒你地返火車站」，隨即便掀起討論。有人直指車長「冇做錯，但係心地唔好」，認為廣福街市作為「大站」理應自動停靠，質疑車長存心要乘客「落唔到車」作為懲罰。
事件中的71S線屬假日特別路線，來往廣福邨及富善邨，主要服務屋邨居民。有網民認為廣福街市是「大站嚟，一定要停站」，但車長反駁指不知道何謂「大站」，認為「總之有撳鐘就有停站」。及後在網上引來爭論，有網民認為車長此舉是有意為之，「即係你內心明知有人係需要落車，而你希望佢落唔到車」、「佢可以照埋站開門，並且溫馨提醒佢哋下次記得撳鐘，但係而家佢就選擇咗一個令到乘客不便嘅方法」。
網民：大站一定要停站 VS 冇人要落車
不過支持車長的聲浪同樣猛烈，許多網友強調「㩒鐘」是乘客基本責任：「如要落車請提早撳鐘，呢啲係人類搭巴士嘅必定基本常識，個個都老馮咁」、「反正冇人撳鐘即係冇人要落車」、「條路線設計咗咁多個站，每個站都有可能有人上下，亦有可能咁啱真係， 個個都唔撳鐘想奉旨有得落車，咁不如好似地鐵站站等算啦，個鐘攞嚟做乜」？有網民則指出，其實乘客只需做多步便能避過類似情況，「其實有其他人撳嘅話，車門頂、車頭都會著紅燈，望多一眼都難」？宜言「停畀你係人情，唔好喺度情勒」。
▼網民留言▼
資料及圖片來源：Threads
港生活人氣本地熱話
【送您🎁】「民坊 X Usagyuuun 小突兔限定精品套裝」
↓5款 Usagyuuun 小突兔精品🌟/四大獨特校園主題互動打卡場景📸↓
↓【限時搶⚡】賞您Cetaphil舒特膚三重溫和煥膚酸系列↓
↓溫和去除死皮和老化角質｜改善膚質↓
