網上瘋傳天價停車費！半小時竟收6位數？網友訝異：香港停車仲貴過C朗人工
近日香港不時出現天價繳費單，繼電話費、媒氣、稅單後，最近竟有人要交付逾6位數的停車費？近日有港人於社交平台分享一張照片，指早前離開停車場準備繳交費用時，發現費用竟高達13萬，令他不禁直言「到底C朗人工貴啲，定響呢度泊車貴啲？」
停車29分鐘收費逾13萬？
有港人於Facebook群組「足球快報 球迷分享谷」發帖，他寫道「到底C朗人工貴啲，定響呢度泊車貴啲？」並附上一張逾13萬停車費的照片。從照片可見，拍攝日期為2025年6月21日中午12時左右，推測是在赤鱲角附近一間大型物流中心的停車場所攝。樓主車種為小型貨車，停泊時間只有29分鐘，停車費卻高達$134,760，而且只能用八達通繳費。
網民洗版式留言：拍車拍到破產
帖文曝光後，隨即在網上瘋傳，不少網民質疑收費誇張，「29分鐘13萬幾？」、「乘返一個月都2億HKD」、「好彩睇真下，出左閘唔知點追返」、「拍車拍到破產」。有人擔心實際繳費難度，「首先要搵到一張上張有14萬嘅八達通」、「應該冇乜支付方式可以一下找條十幾萬嘅數」，也有網民搞笑分析，「撞閘都唔使咁貴！」、「撞爛個閘出車會抵d」。
停車費比C朗人工仲貴？
有網民搬出球王C朗（Cristiano Ronaldo）薪酬作比較，指「C朗日薪都400幾萬港紙」、「C朗應該求其IG出個po都找夠夾賺突」、「 C朗週薪3357萬港紙，計返每日8小時嘅話，每小時60萬港幣，都係佢人工貴d」、「C朗日薪咋」。雖然不少人懷疑是系統錯誤或圖片經AI加工，但帖文仍成功引爆網絡笑彈。
港生活人氣本地熱話
【☀️Chill賞放大假】夏日大激賞🎁
⬇ 逾800份人氣禮品！贏走樂園門票／酒店住宿／自助餐 ⬇
↓【限時搶⚡】賞您Cetaphil舒特膚三重溫和煥膚酸系列↓
↓溫和去除死皮和老化角質｜改善膚質↓
