巴士乘客意外失禁 全車人屯赤隧道落車網民籲體諒：無人想㗎

巴士乘客意外失禁 全車人屯赤隧道落車

日前有市民透過Facebook社交群組「是日快快-巴士即日相」發帖，稱「因為有人在車廂瀨屎，到屯赤擺街」。現場照片顯示，有乘客落車並等候轉乘其他接駁車輛。

龍運巴士：車廂「衞生狀況異常」

龍運巴士回應表示，當日（6月21日）早上一輛巴士駛至屯門赤鱲角隧道時，車長接獲乘客通知，指巴士車廂「衞生狀況異常」，並強調車長在安全情況下將巴士停在屯門赤鱲角隧道轉車站，並安排乘客乘搭另一輛巴士繼續行程。

點擊圖片放大

網民籲體諒：無人想㗎

事件引發熱議，部份網民留言表示「好噁心」、「遍車黃金」，更有人表示光看文字就覺得臭。然而也有不少人力挺當事人，認為應予以體諒：「搭長途車最怕攪肚痛，應該冇人想瀨嘅」、「突然急起上嚟都控制唔到，瀨到（都）冇（辦）法」、「我諗佢都唔想嘅，搭巴士先嚟肚屙其實真係好難頂，自己都試過雖然忍得住，但係過程標哂冷汗好辛苦，好似下秒就嚟末日果啲feel（感覺）咁」。

點擊圖片放大

亦有自稱巴士司機的網民分享類似經歷，稱「嗰陣時都試過，揸606（巴士線），去到藍灣半島總站，落完客，再巡車，發現有尊貴嘅乘客放低咗兩舊大大舊『番薯』。竟然冇人出聲，之後都係揸返廠洗車」。類似事件雖不常見但確實存在，特別是在交通擠塞時更為棘手，有網民憶述：「以前試過喺屯公大塞車，總共塞咗兩個鐘，真係喺巴士上面搵個膠袋屙尿，都係講緊幾歲嘅時候」。

資料及圖片來源：Facebook@是日快快-巴士即日相