37歲碩士生失業近五個月呻搵工難！12年來不斷轉行！網民驚訝︰你連試用期都唔過？
日前，1名37歲的碩士生在社交平台上大呻搵工難，指自己已失業五個月，出社會12年來「好多行都做過」，不論客戶服務、物業管理、補習、大專教書還是歡迎應屆畢業生的工作他都申請。未料收到錄取通知兩天後，因削減預算不受錄，大呻「真係灰到不行。」帖文引來大批網民討論，有網民教樓主可以這樣做，亦有網民認為樓主應反思自己，即睇下文了解事件詳情！
碩士生呻搵工難
近日，1名37歲的港人在Threads上以「搵工搵到灰」為題發文，指自己是翻譯碩士畢業，目前已失業五個月，失業期間仍然「不斷搵（工）」，可是「一直得個in（面試）字」。
樓主早前收到錄取通知，可是兩天後「公司打嚟話因為cut budget（削減預算）而唔請」，同樣的情況曾在2019年發生，樓主對此表示「真係灰到不行」。
樓主坦言，出社會12年來「好多行都做過」，包括︰翻譯、廣告撰稿員、市場營銷、物業管理、飲食、零售和客戶服務，可是「冇份工做得長，最長嗰份年零，唔過probation（試用期）嘅四五份」。
樓主又指自己「適應力低，multitasking（多任務處理）差，中招之後記性都差埋」，而且「另一個認衰位係嫌辛苦，雖然中意煮嘢食，但飲食真係太辛苦」，大呻「碩士呢個包袱都係太重」。
樓主表示自己目前「都係搵入行門檻低嘅工」，不論客戶服務、物業管理、補習、大專教書還是歡迎應屆畢業生的工作都申請，叫價也只是應屆畢業生的價錢。
目前AI技術日益先進，樓主又沒有「專業資格」，就算進修「讀完都四張（40歲）」，其他短期課程「讀完出嚟人工又好低」，大呻「呢個年紀同學歷要捱實在太難」，詢問網友們「到底我應該點做？」。
網民建議︰可以做住兼職
帖文引來大批網民討論，有人建議樓主先做兼職，指「可以做住兼職再搵全職」、「 一係做返啲你自己專長，freelance（自由職業）補習教書先」、「諗下其實自己鍾意做咩，及最低限度接受到啲乜野」、「專注自己比較擅長的事業會好啲」和「做公務員翻譯官好吃香」。
另有不少網民認為樓主應反思自己，表示「你有4-5 份唔過試用期，應該要諗下自己工作態度」、「其實你係似住有學歷就冇鋪排過自己既career path（職業道路）」、「淨係怕辛苦已經唔洗諗可以揾到工，份份工都有不同的辛苦」、「其實你應該放下身段先。有咩工都做住，唔好等運到」和「你個問題係唔知自己想點，又揀唔到一行嚟堅持」。
來源︰Threads@lamlamlam2606
港生活人氣本地熱話
【☀️大派海洋公園水上樂園門票💦】
⬇ 立即登記拎飛 ⬇
【立即投票】贏走人氣雪糕券🍦
↓每日入《社群》投票，送您人氣雪糕券😍↓
