蔡瀾逝世｜蔡瀾83歲不忌諱談豁達生死觀：決定喺香港死 曾深切緬懷故友倪匡
「香港四大才子」之一的著名作家、食家及影視人蔡瀾日前已於在養和醫院安詳離世，享年83歲。蔡瀾以其豁達人生觀和對美食獨到見解而聞名，生前對生死抱持的坦率態度，以及他對故友的真摯情感，如今更讓人緬懷。
蔡瀾對生死早有豁達見解
蔡瀾對生死的看法向來灑脫，毫不忌諱。他曾於谷德昭主持的ViuTV節目《爆谷一周》中受訪時表示：「我決定喺香港死，最好係唔知唔覺咁走，冇恐懼亦唔需要受痛苦。」他甚至曾說過，希望離世時能舉辦一個派對讓親友盡興，儘管感嘆「老友已經越嚟越少」。
深切緬懷故友倪匡
蔡瀾與金庸、倪匡、黃霑並列「香港四大才子」，彼此之間情誼深厚。他昔日曾在林溥來（Patrick Sir）主持的節目《開卷》中，談及故友倪匡時，流露出深切的思念：「佢唔係人嚟架，佢係外星人，好掛住佢。可以同佢傾得埋嘅人，呢個世界冇幾多個。」
Patrick Sir問到書中所寫嘅是否都係真事？蔡瀾笑言：「倪匡先生一向都話真定假唔緊要，男女之間都大把嘢寫啦，佢話你睇我個妹（亦舒），食咗咁多年老本！」蔡瀾也曾分享自己的寫作理念，強調寫作要「畀多啲（嘢）人哋睇，你就唔應該寫人哋唔明嘅嘢」，並直言寫作是出於享受而非為錢，展現其灑脫豁達的人生觀。
港生活人氣娛樂新聞
【☀️Chill賞放大假】夏日大激賞🎁
⬇ 逾800份人氣禮品！贏走樂園門票／酒店住宿／自助餐 ⬇
↓【限時搶⚡】送您Sweety Eyes by cl mall日本PIA日拋彩妝隱形眼鏡↓
↓甜美可愛系、自然亮眼系、明星款｜獨家9折優惠↓
