執法者們｜陳若思成新生代「靚女前輩收割機」 親揭與宣萱有一大共通點
TVB近期播出新劇《執法者們》，劇中除了宣萱貼地自強金句，以及陰晴極速轉換表情的超班演技備受關注之外，獲封為新生代「靚女前輩收割機」的新生代小花陳若思（Amber）亦成為熱討焦點。Amber於兩年半內先後獲機會與佘詩曼、陳法蓉、宣萱拍劇，機會多多！
陳若思成新生代「靚女前輩收割機」
劇中一段宣萱的牢獄戲雖然為時不長，但卻有極多亮點。其中一個亮點，是與宣萱對戲的陳若思Amber；翻查資料，Amber自接拍《新聞女王》後，短短兩年半內先後跟過佘詩曼、陳法蓉及宣萱合作，堪稱「靚女前輩收割機」！
陳若思親揭與宣萱有一大共通點
Amber笑言與宣萱合作相當開心，大讚宣萱為人幽默之餘，更與自己有一大共通點：「同宣萱一齊拍劇，可以令自己永遠喺一個好放鬆嘅狀態做戲。因為佢個人好搞笑，完全唔會覺得同佢有代溝或者隔膜，佢風趣幽默、又古靈精怪，所以我好鍾意佢。同埋佢成日都會買零食請幕前幕後食，我覺得呢樣我同佢勁似，我哋都係唔食正餐、食零食嘅人，哈哈！」
Amber續指宣萱劇中角色像是佩汶的大家姐，教曉佩汶不少東西、並扶持佩汶成長及變好變強！至於現實中，宣萱亦有趁拍攝空檔與Amber分享人生的寶貴經驗，獲Amber大讚是親和力強的好前輩：「我記得我最後一次拍完嘅時候，先鼓起到勇氣搵佢合照，之後再留低都同佢傾咗半個鐘頭偈。佢係一個好有親和力嘅前輩。」
兩年半內先後獲機會與佘詩曼陳法蓉宣萱拍劇
短短兩年內先後與三大好戲靚女前輩合作，Amber亦自認幸運：「同幾位前輩嘅合作都有好多得著，我好肯定我每一次同佢哋拍完嘢之後，都係一次比一次更加進步。所以我成日都覺得2024年嘅自己係特別幸運，雖然自己拍劇機會唔多，但係我啲對手全部都係好犀利嘅前輩，令我學識好多嘢。」
問到三位前輩各有甚麼特色，Amber認真謂：「Man姐好感性、善良，法蓉姐姐好有魅力同冷靜，宣萱姐姐就好知性。」至於是次劇中造型，Amber透露為了配合囚衣裝，確是在未有搽眼睫毛液、或是畫眉下的情況便出鏡，想不到因而惹起網民關注，十分搞笑。
港生活人氣娛樂新聞
【送您🎁】「民坊 X Usagyuuun 小突兔限定精品套裝」
↓5款 Usagyuuun 小突兔精品🌟/四大獨特校園主題互動打卡場景📸↓
↓【限時搶⚡】送您Sweety Eyes by cl mall日本PIA日拋彩妝隱形眼鏡↓
↓甜美可愛系、自然亮眼系、明星款｜獨家9折優惠↓
