31歲港姐冠軍鏡頭前罕有淚崩爆喊 因一事難忘愛犬死後留遺憾
TVB寵物綜藝節目《寵你一世》，由三位可愛小花戴祖儀、陳懿德（德德）、游嘉欣擔任主持，最新一集請來洪永城Tony攜同愛犬Molly挑戰水上活動，以及馮盈盈帶愛犬波子到影樓拍攝寫真；盈盈另外還跟德德齊齊體驗「動物醫生」工作日常。
馮盈盈影狗仔寫真感觸淚崩：有咗今日嘅相，後面就算發生咩事都唔會有遺憾
今集特別之處在於馮盈盈（FYY）感性淚灑寫真拍攝現場，事關首次帶愛犬波仔影寫真的盈盈，看到成品時竟感動至哭成淚人：「我覺得呢張相對我哋好大意義，因為其實波子仲有個家姐（同一胎），但家姐之前過咗身，佢過身時我哋先發現，原來冇真係好認真咁影過一輯咁正式嘅相，所以喺佢告別儀式時都有諗，早知影輯寫真…有咗今日呢啲相，我諗後面就算發生咩事，都唔會有遺憾。」盈盈又笑言為了拍攝這輯寫真，足足緊張了一個星期。
洪永城帶愛犬出海一舉動勁暖男
另外，洪永城亦分享愛犬Molly神奇的「尋親」故事透明Molly是Tony四年前透過動物領養中心，從繁殖場收養回來的狗仔，並經過洪永城與太太梁諾妍悉心照料後，變成現在的開心狗狗。洪永城感激Molly為其一家四口帶來不少快樂回憶：「佢係大家姐，幫我睇住兩個妹（兩個囡囡），亦提供咗好多歡樂畀我哋。」
對Molly疼愛有加的洪永城，落水後因害怕酷熱天氣令Molly不舒服，不斷貼心的將冰涼的海水潑到Molly身上；而身穿可愛泳衣款上陣的祖儀，也有幫忙照顧Molly，期間弗爆小蠻腰及修長美腿更意外搶Fo。事後，洪永城感嘆過程辛苦但值得：「比起照顧小朋友真係更加攰，要驚佢周圍亂食嘢、又要驚佢衝落水踩到玻璃。雖然攰，但對我哋係難忘嘅體驗。」
開心分享愛犬有趣轉折的「尋親」故事
洪永城還額外分享了Molly有趣又轉折的「尋親」感人小故事，事緣因為梁諾妍愛在社交網分享Molly生活照，有一天，有一位狗主inbox洪太指家中愛犬與Molly的笑容太相像，經過一輪聯絡及交換狗隻晶片號碼後，竟得出Molly是對方狗狗母親的驚人消息！洪永城說：「然後陸陸續續都發生咗相同嘅事，就係咁Molly搵番佢（其中）四個小朋友，依家大家間唔中都會約出嚟、當親子聚會。」
港生活人氣娛樂新聞
【☀️大派海洋公園水上樂園門票💦】
⬇ 立即登記拎飛 ⬇
↓【限時搶⚡】送您Sweety Eyes by cl mall日本PIA日拋彩妝隱形眼鏡↓
↓甜美可愛系、自然亮眼系、明星款｜獨家9折優惠↓
