港男戶口突獲九千萬轉賬！下秒消失成「1秒富豪」 ！網民提醒一定要咁做保障自己
日前，1名港男在社交平台發文，指自己一個很久沒用的銀行戶口突然收到一筆「意外之財」，金額超過$9000萬，可惜下一秒就被取消，令事主直言「做左一秒虛擬富翁」。事件引來大批網民討論，有網民分析事件成因，建議樓主「要認真處理」，另有人安慰樓主「起碼叫做過大佬」，即睇下文了解事件詳情！
港男戶口獲九千萬轉賬
近日，1名港男在社交平台上發問指「銀行做咩入9千幾萬比我？」，轉賬後馬上取消，令樓主直言「入完又取消返算點」，表示該銀行戶口一直是給自己媽媽「出糧拎錢」，已經很久沒有使用，詢問網友「有冇人知點解會咁嘅？」。
從樓主上傳的2張圖片中可見，銀行戶口在6月25日收到一筆九千七百萬的款項，其後被取消。
網民分析1原因導致
帖文引來大批網民討論，有人分析可能是「打錯電話號碼當數額」、「入票時將電話號碼入左做金額就會咁」、「電話號碼97XX XXXX？」、「好明顯係入票個陣銀碼位入左電話號碼」、「電話號碼。。。？」和「應該係用入票機條友打錯」。
另有人建議樓主「要問銀行發生咩事，要攞正式回覆」、「話你洗黑錢凍結你戶口」、「記得叫銀行出番信俾你做記錄」、「叫銀行出返封證明比你，陣間有手尾」、「要認真處理 ，可以洗黑錢/影響申請政治資助，建議銀行有返證明」和「可以投訴，一陣俾人話你洗黑錢點算？」。
網民安慰︰一秒富豪
亦有不少網民安慰樓主，指「九千萬富翁都仲用緊裂mon電話，係幾咁勵志」、「一秒富豪」、「9千幾萬有冇得計返1日息都正架喎」、「曾經擁有過9000萬」、「比你體驗下幾秒有錢人嘅感覺」、「起碼叫做過大佬」。
▼原帖文▼
來源︰Threads@lokkuchan
港生活人氣本地熱話
【送您🎁】「民坊 X Usagyuuun 小突兔限定精品套裝」
↓5款 Usagyuuun 小突兔精品🌟/四大獨特校園主題互動打卡場景📸↓
【社群送禮🎁】大派15,000個Namco遊戲代幣及Chiikawa精品🎮！
⬇ 簡單留言即有機會免費暢玩Namco⬇
