女神配對計劃｜李芷晴追求者「怕醜仔」Jacob連環Dead Air激到林盛斌掟耳機 ？！
TVB戀愛綜藝《女神配對計劃》週日（6日）播出第五集，上周憑一身吊帶白色低胸晚裝裙贏盡焦點的李芷晴，再度強勢出擊！是次三位求愛勇士分別為年薪超過80萬的「怕醜仔」金融分析師林焌堯（Jacob）、陽光型保險經紀劉偉強（Isaac），及貼心西裝店老闆陳昇（Jaden），當中「怕醜仔」Jacob不但連環Dead Air，更因一事激到阿Bob掟耳機...
「怕醜仔」Jacob連環Dead Air
三人之中以先天性追女仔方面勁多不足的「怕醜仔」Jacob最為搶焦，不但全程製造勁多Dead air，還數度拒絕畀視線女神！雖然Jacob嘗試抖大氣「儲氣」發言，可惜最終卻極速洩氣繼續頭耷耷。不過李芷晴對Jacob似乎頗為受落，明知「我哋都係繼續Dead Air」，但仍是忍不住連環大讚Jacob「好搞笑」。
當Jacob發現自己對著Step語塞時，竟問對手「有冇嘢問」，更撩對手Jaden傾偈，令Step亦大開眼界謂：「佢開始撩你哋（指Jaden及Isaac）喇」，說畢更「破防」豪邁大笑！至於被Jacob睇中的Jaden，則好心苦勸Jacob要珍惜機會：「你咁好機會，快啲問（Step）問題啦！」
阿Bob激到掟耳機︰你話死唔死吖
面對Jacob的「消極」，主持兼媒人林盛斌（阿Bob）表現得既肉緊又激氣，眼見Jacob主動將機會轉贈對手時，阿Bob連珠爆發谷氣謂：「你話死唔死吖，有冇嘢問喎」。
在第一回合結束後，阿Bob更馬上向Jacob訓話「Jacob，你嘅時間嚟架嘛，你問佢哋有咩想問？你冇嘢呀嘛？等陣佢哋有機會架啦！」，當見到Jacob再反高潮地轉撩對手傾偈時，阿Bob直頭激動到掟耳機兼一支箭標去約會現場救駕。
港生活人氣娛樂新聞
【出POST即賺💰】立即解鎖流量密碼🔓！
↓立即參加！賺取無上限現金賞💰↓
【社群送禮🎁】大派15,000個Namco遊戲代幣及Chiikawa精品🎮！
⬇ 簡單留言即有機會免費暢玩Namco⬇
