女神配對計劃｜林俊其追羅毓儀之路「一波三折」 親揭六年前因拍呢套劇一見鍾情
TVB戀愛綜藝真人騷《女神配對計劃》周日（6日）晚九點播出第五集，後半部份輪到女神羅毓儀（Yuki）進行「三角枱約會」。早前在第二集中以「I人Style」（內斂又含蓄的方式）真誠向女神羅毓儀（Yuki）表白的林俊其（Kris），今集終於隆重登場，向心儀多年的Yuki火力全開猛烈追求！
林俊其親揭六年前因拍呢套劇一見鍾情
林俊其（Kris）在節目中幾經Yuki追問下，終揭出原來早於六年前已對Yuki一見鍾情，事發地點是劇集《伙記辦大事》拍攝現場。Kris：「我好記得真係，《伙記辦大事》」Yuki：「咁耐之前？」Kris：「嗰次真係我第一次見你，你係（演）陪審團，跟住你一嚟到時，咁啱我就望到，『嗯？！呢個女仔…幾好』」說畢，更向Yuki送上一個迷人電眼，令Yuki忍不住用甜到漏的聲線反問：「真咩？…」
江美儀高呼畀林俊其「冧死」
眼見Yuki看似被攻陷，Kris再出多兩錢肉緊：「跟住我（嗰日）成個注意力放咗喺隔籬（當日Yuki所在位置）。」此話一出，就連花生團之一的「Yuki唉吔媽咪」江美儀亦高呼：「唉吔，冧死！」Kris還會首揭為何在過去六年對Yuki的愛意斷斷續續，以及會拖到今時今日才鼓起勇氣表白。
「大熱」林俊其追羅毓儀之路「一波三折」
雖然Kris簡單一個愛苗萌芽故事冧掂大小Target，但並不代表他與Yuki發展順利，卻更是名副其實「一波三折」！首先，對於Kris情深的「愛的解釋」，Yuki基本採取半信半疑態度；本著「愛是懷疑」，Yuki向Kris一口氣提問了大量問題，令Kris不懂解釋的同時，花生團亦很肉緊。江美儀：「好老尷呀佢兩個！」
Kris直認追女神過程好Kick？！
黃嘉雯：「因為Kris做每一步都好小心翼翼。」江美儀：「佢諗太多喇！」就連Kris本人，亦覺得追Yuki之路好Kick：「我都知道佢係安全感（PS Yuki驚變問題少女因由）唔係好夠嘅人，佢質疑我係咪咁架、係咪咁架，所以都kick架。」
驚爆二人關係潛伏愛的間諜
另之前Yuki在海選中曾因Kris「好似好了解我咁」大為心動，不過過了一輪冷河之後，Yuki忽然清醒，並突破盲腸直指有「愛的間諜」：「我覺得好奇怪，因為我同你唔係好多接觸，但你講好多嘢都好中（我），我即刻好陰謀論，係咪施焯日（Arthur）或者陳嘉俊（Peter）通水？」Kris最後爆出一個連Yuki也意想不到的人名，原來「愛的間諜」真身是2020年香港小姐亞軍王菲。
港生活人氣娛樂新聞
【☀️Chill賞放大假】夏日大激賞🎁
⬇ 逾800份人氣禮品！贏走樂園門票／酒店住宿／自助餐 ⬇
【☀️大派海洋公園水上樂園門票💦】
⬇ 立即登記拎飛 ⬇
