女神配對計劃｜林俊其一舉動洩露醋意親認太在意羅毓儀 超震撼「壁咚」場面率先曝光
TVB戀愛綜藝真人騷《女神配對計劃》最新一集來到羅毓儀（Yuki）三角枱約會的實況，藝人林俊其（Kris）今集可謂經歷了情緒過山車，不時深情凝望，又會開心到傻笑，流露好冧的眼神。不過，見到Yuki同另一位參賽者Kenneth好好傾，Kris頓時不自覺地擺出一副「失戀」樣。
林俊其一舉動洩露醋意
三角枱約會環節中，林俊其（Kris）似乎完全無法忍受目擊羅毓儀（Yuki）與其他異性約會！事緣Yuki與Kenneth聊天加深了解時，Kris全程雙眼無光兼失落嘟嘴；當發現Yuki與對方傾得投契時，更數度展現各式各樣黯然樣，遭江美儀直指「好失落呀，陰公」、「直情係失戀（咁嘅樣）」。
一碟「生牛肉他他」原封不動
除了神情、Kris的行為亦突顯了他的醋意，事緣當主持人兼媒人阿Bob出來宣布進入下一個回合時，駭然揭發Kris在整段前菜用餐時間內、竟完全沒有碰過他的頭盤菜「生牛肉他他」，不過當Bob追問：「我想問Kris，做咩完全冇食過啲嘢」，為免醋意外露的Kris唯唯諾諾表示：「有食嘅有食嘅。」
林俊其親認太在意Yuki
豈料卻遭阿Bob將那盤恍如剛上枱、就連用以調味的生雞蛋也未有撈勻的「生牛肉他他」舉起反問：「咁呢啲係咩嚟？」事後Kris坦言當刻內心不是味兒：「我嘅對象同第二個傾緊偈，好想專心食飯，但冇辦法，我真係好在意佢哋」、「我不能一心二用，食嘅話又聽唔到佢哋講嘢。」
超震撼「壁咚」畫面率先睇！
Yuki組的動作題同樣抵死，是要三位勇士透過「壁咚」令Yuki心跳及腎上腺爆標！相關回合對於Kris來說也是一個大波折，皆因當Yuki與其他組員進行壁咚時，Kris全程擰歪面不敢直視，樣子相當難熬。
港生活人氣娛樂新聞
《社群》請您試用全新「驅蚊大師『清爽版』」200支！
【送飛🎟️】蠟筆小新「玩轉！時空大冒險」互動體驗展！
↓2️⃣大新設展區✨│2米高小新立像／全新周邊精品／小新主題新餐單😍↓
