K房未有《羅生門》點住呢30首必唱合唱歌先

文：Marcus

Juno同Kay嗰首《羅生門》呢兩日就搶晒風頭，不過咁，而家叫你去唱K唱呢首，你又係咪識唱呢？我估你哋都係再煲熟啲先啦！咁而家做咩好？唱住以前中學嗰堆K-Lunch必點合唱歌洗下腦啦！

1.《會過去的》－許志安、車婉婉

最後嗰句「當天你與我怎樣重視過誰和誰在年月快線裡都給壓碎」真係少啲氣都唱唔到！

2.《苦口良藥》－許志安、陳慧珊

一路唱，畫面出現返《情牽百子櫃》嘅畫面，好想TBB快啲重播呀！

3.《其實你心裏有沒有我》－許志安、 鄭秀文

由佢哋拍拖、分手、復合唱到今日做埋許生、許太，真係好耐唱！

4.《教我如何不愛他》－許志安、 葉德嫻

嗌咪就有你份，點唱都冇Deanie姐咁有感情！

5.《美中不足》－許志安、葉德嫻

又一高難道作品，安仔都算係合唱歌元老！ 

6.《刻不容緩》－李克勤、容祖兒

就嚟開演唱會，係時候練定入場一齊唱！

7.《合久必婚》－李克勤、陳苑淇

唱到陳苑淇都唔知去咗邊都繼續唱！

8.《相愛很難》－張學友、梅艷芳

我把學友聲又Chok緊出嚟！

9.《好心好報》方力申、鄧麗欣 

當年真係10間K房有9間同時唱緊！

10.《好好戀愛》方力申、鄧麗欣

當年真係10間K房有11間同時唱緊！

11.《十分．愛》方力申、鄧麗欣

當年真係10間K房有20間同時唱緊！

12.《自欺欺人》方力申、傅穎

小方雖然唔係最唱得，但肯肯定係合唱歌王(非之一)！

13.《目黑》 －周國賢、薛凱琪 

識唱一定係唱合唱版，為咗唱嗰句「平凡名字會褻瀆愛情」！

14.《四人遊》－方大同、 薛凱琪 

扮晒嘢一定要講埋一開頭段雞腸！

15.《滾》－梁漢文、楊千嬅 

留意下啲歌詞，好精彩，一場好立體嘅鬧交戲！

16.《他都不愛我》－吳浩康、容祖兒

呢首歌唔多覺有點派台，但係K房熱唱度非常高！

17.《滄海遺珠》－劉浩龍、 謝安琪  

呢首遺珠全靠卡啦OK先咁多人識！

18.《我的回憶不是我的》－海嗚威、泳兒

個Key好高，好多傻仔以為自己唱到！

19.《一事無成》－周柏豪、鄭融

最想唱嗰句係Do do do do do do ……

20.《小酒窩》 －林俊傑、蔡卓妍

呢首Sweet到核爆！

21.《梁山伯與茱麗葉》－曹格、卓文萱 

當年吹緊台灣風嘅時候，呢首歌都走唔甩！

22.《今天你要嫁比我》－陶喆、蔡依林

今時今日仲嫁畀陶喆？

23.《珊瑚海 》－周杰倫、梁心頤 

啲高音位唱到青筋都出晒！

24.《勾手指尾》－鍾一憲 、麥貝夷

話時話，無見佢兩個好耐。

25.《年少無知》－林保怡、陳豪、黃德斌

最啱一班毒Brother一齊唱！Rock！

26. 《明知故犯》－余文樂、張燊悅

樂仔都係拍戲好啲！（好似係）

27.《孤兒仔》－陳奕迅 、苦榮

扮苦榮扮到把聲沙晒！

28.《死性不改》－Twins 、 Boy'z   

 正！可以四個人唱！

29.《從不喜歡孤單一個》 －蘇永康、彭家麗

多謝朱主席令呢首歌重生！唔易唱！

30.《相逄何必曾相識》－蔣志光、韋綺姍

橫跨幾代，又一翻生之作！