熱愛優質生活

童星應是這樣的 16位陪伴80、90後成長的童星

張裕東 (圖:YouTube)
2015.07.18

文:Marcus
細細個睇電視見到兒童節目同劇集嘅小演員,你有冇諗過自己都去應徵下,發揮下你嘅表演慾,不過通常都得個講字,下面呢
16位就唔同,你未必記得佢個名,但肯肯定你哋係睇佢哋嘅戲大,其實父母帶啲童星拍下劇玩下咪好囉,使乜影寫真賺錢呢?好等錢開飯?

1.
成展權成展權 (圖:YouTube)88年出生,曾參與《十月初五的月光》、《帝女花》等劇,不過最出名當然係佢用真名拍咗好多教育電視節目,全香港中小學生都識佢,而家佢好似喺城大讀緊學士課程!

2.成珈瑩成珈瑩 (圖:高登/YouTube) 93年出生,,佢係成展權妹妹,因為成日去睇哥哥拍劇,所以就自薦又被工作人員睇中就入咗行。曾參與《陀槍師姐III》、《天幕下的戀人》等劇同多個廣告,最為人熟讀就係喺《烈火雄心II》中飾演王喜個女紀瑤,可愛到不得了。

3.張裕東張裕東 (圖:YouTube)

88年出生,《閃電傳真機》同《至NET小人類》鐵腳,日日見都到佢,人稱東東大師,08年起返咗TVB做配音,都敏俊、《反斗奇兵3》嘅安仔都係佢配㗎,好叻仔!

4.張國權張國權 (圖:YouTube)89年出生,唔使講佢最出名當然係喺《我和殭屍有個約會》中飾演尹天照個仔況復生,幾年前報導指佢成功求婚,而家應該已經成家立室。

5.李日昇張國權 (圖:高登/YouTube)92年出生,佢由細拍劇拍到大,年資分分鐘長過好多藝員,為人熟悉嘅角色可能係《 家好月圓 》裡面做少年管家仔(林峰細個),另外佢仲拍過《黑社會》、《男兒本色》等電影,同劉華、任達華、梁家輝合作過。

6.丁力丁力 (圖:高登/YouTube)

88年出生,7歲開始拍劇,最出名就係做《真情》入面蔣志光個仔同埋《陀槍師姐》入面嘅樂樂,不過大個咗就冇拍喇,去咗外國讀書。嗱,佢冇拍過《上海灘》㗎!

7.黃美棋黃美棋(圖:FB@黃美棋/YouTube)89年出生,美棋BB唔使我多講啦,自從幾年前大學畢業後,從美國回流重出江湖後,幫HKTV拍咗多部劇集,而佢細個嘅代表作應該係《 行運一條龍》入面飾演小芬女,咁多年嚟個樣都冇變。 

8.陳景昆陳景昆(圖:童星の家)93年出生,外號昆少,畀星探發掘入行,曾參與《男親女愛》、《智勇新警界》等劇。

9.吳諾弘吳諾弘(圖:FB@吳諾弘/YouTube)

99年出生,曾參與《酒店風雲》、《談情說案》、《巨輪》等劇,外號菠蘿仔嘅佢而家讀緊中學,仲會代表香港隊出戰劍擊比賽。

10.王秉熹(Jeffrey)、王樹熹(Jacky)兄弟王秉熹&王樹熹 (圖:高登/YouTube)Jeffrey 95年出生,曾參與《皆大歡喜》、《大冬瓜》等劇;細佬Jacky98年出生,曾參與《甜孫爺爺》、《師奶兵團》等劇,兩個都好醒目,專演人細鬼大嘅角色,不過近年就少咗出鏡。

11.莫凱謙莫凱謙(圖:FB@莫凱謙)98年出生,05年參加《殘酷一叮》,連續成為三屆台主,因為招招積積而受歡迎入行,人稱「莫生」,曾參與《讀心神探》、《阿旺新傳 》等劇,而家都冇放棄表演,經常參加歌唱比賽。

12.丘梓宏、丘梓謙兄弟丘梓宏&丘梓謙(圖:FB@丘梓宏&丘梓謙)

梓宏又名丘竣霆,92年出生,花名四少,曾參與《心花放》、《酒店風雲》等劇,佢而家做咗歌手,有派台歌㗎;細佬梓謙94年出生,曾參與《老婆大人》、《學警雄心》等劇,兩兄弟而家成日拍住上出Event。

13.楊家盛 楊家盛 (圖:高登/YouTube) 96年出生,《居家兵團》、《天與地》等劇,大個咗無晒啲扭計樣同Baby Fat,一定追晒啲女仔啦!

14.張裕里張裕里(圖:香港影視劇團/YouTube) 裕里而家幾多歲小編都搵唔到,不過就一定好大個仔,有玩舞台劇,佢以前曾參與《律政新人王》、《無頭東宮》等劇,最出色當然係做《封神榜》嘅童年哪吒。

15.薛立賢薛立賢(圖:薛立賢Homepage/YouTube)

94年出生,曾參與《烈火雄心II》,仲拍過好多電影,包括《一路向西》,最出名就係於《童夢奇緣》做童年劉德華,大個咗兩個字,靚仔!

16.譚真一譚真一(圖:FB@譚真一/YouTube)03年出生,4歲開始演藝生涯,曾參與《師奶股神》、《富貴門》等劇,深得家燕媽媽寵愛,一哥最令人深刻印象嘅演出一定係電影《殺人犯》,小編腦海即刻彈起佢嗰句「我又想跟你老婆睡啦」!

差啲唔記得呢位童星,咁多年都長唔大!

 

內容評分
評語