執法者們｜蔡潔做人質全素顏殘樣上陣零包袱 被鞭打場口網民錯重點讚皮膚白滑
TVB熱播劇 《執法者們》日前一集劇情講述徐思思（劉佩玥飾）死後，戴永強（梁競徽飾）決心反抗戴祖福（林嘉華飾），並幫助周俊傑（黃宗澤飾）及丁小非（丁子朗飾）逃亡兼救出何天茹（蔡潔飾），期間遭戴祖福等人攔截兼惹起混亂，最終何天茹慘遭戴祖福射死…
蔡潔為配合角色殘樣全素顏上陣
蔡潔在這周演出相當搶焦，除為配合劇情近乎全素顏演出，由於劇情講述她也是Black Show受害者，故亦有不少被鞭打場口。蔡潔感激現場工作人員照顧，令她安心完成拍攝，又謂被鞭打場口其實是CG而非真打：「我主要係聽到發一聲，就要做出被鞭打嘅反應。」另由於蔡潔皮膚白到發光，有網民錯重點大讚她皮膚狀態Perfect！
笑言已非首次做人質
蔡潔接受訪問時笑言已非首次做人質：「之前做法醫被綁架，點知做海關都要被綁，希望下次唔使再畀人綁。」她續指被鞭打場口大約拍了大半天時間：「雖然成場戲我要被吊住，但我覺得都可以handle，因為我有練開瑜伽（PS勤做一件事），啲筋都算鬆，所以就算長時間高舉雙手郁動都唔會太痛苦。」
網民錯重點讚皮膚白滑
談到近乎全素顏上陣，蔡潔指為配合劇情不介意：「其實有搽少少防曬嘅，都算素顏，但我想講咁樣反而仲輕鬆，平時啲靚妝成日要補，但嗰幾場我完全唔使理、好free；雖然個角色係殘同憔悴，但真係要好多謝我哋嘅團隊，佢哋將我死嗰幕拍得好唯美；當然好幸運地所有嘢都好配合到，除咗機位同拍攝角度，當時現場好大風，令到有網民覺成件事出嚟效果好淒美、好靚。當然我好開心啦，心諗：『死都有得畀人讚靚？』好正呀，哈哈。」
執法者們｜阮兒首演啞女兩星期速食手語
談到首次演啞女，阮兒坦言是「超大挑戰」，她透露由於由收到通知到正式埋位之間只有約兩星期左右準備，故此她除了上了三堂劇組安排的手語課，還積極在家拍片日練夜練，務求將所有手語記到「滾瓜爛熟」：「都有啲難度，所以有啲位都幾驚做錯，所以除咗上堂，都要靠睇片同自己拍片練習，睇吓捉唔捉到個感覺，好多謝老師同同事有幫我睇片同Tune番我。其實真係要好似排舞咁，要練到滾瓜爛熟先得。」
執法者們｜阮兒為角色零化妝兼剪薯嘜髮型
為了令角色更有說服力，阮兒在造型上也花了不少心思：「我係特登剪呢個髮型，主要想個頭出嚟感覺係簡單同埋要薯薯哋，因為我覺得呢個角色唔會係好時尚嘅人，所以我都冇乜化妝。」
與宣萱第三度合作
原來是次已是阮兒繼《掌上明珠》及《刑警》後第三度與宣萱合作，談到這位出名好人的宣萱，阮兒自然亦讚嘆不已：「我一聽到我演宣萱嘅閨蜜，我已經好開心，因為佢真係一個好好同好隨和嘅前輩，佢係會任由你發揮之餘、亦會畀好嘅意見，會令我好舒服同唔會驚；同埋因為佢真係冇架子，所以同佢合作係超級開心，仲好多嘢都可以問佢意見，因為我都會好擔心自己演唔到角色要嘅效果。」
執法者們｜劉佩玥透視系OL裝勁吸睛
前晚和昨晚一集，阿Moon角色都有很大發揮，單是See Through系列OL已相當吸睛、將其美好身段表露無遺。由於阿Moon飾演的角色頗複雜，既是患有長期病兒子的單親媽媽、還要背負好友李雅文的復仇使命潛伏在大奸角戴祖福身邊，還要利用無辜兼自己深愛的戴永強（梁競徽飾）；長期內心掙扎的思思，不但不苟言笑，就算哭、也是哭得抑壓含蓄。
執法者們｜兩場壓抑式喊戲晒躍進演技
前晚及昨晚一集，阿Moon便演活了兩場感覺及層次截然不同的喊戲，當她向李雅文報告蔡佩汶（陳若思飾）死訊時，眼淚壓抑得來帶著仇恨及警惕；對著梁競徽的喊戲，由於內心懷著歉意，故阿Moon的眼淚壓抑得來帶著溫柔、歉疚與憐愛，感染力勁！
阿Moon忍痛完成場口
之前阿Moon受訪時，曾提及在鑽油台拍攝期間不但發燒、還於上岸休息時不小心夾傷腳、一度痛至在醫院大哭，阿Moon重提舊事時不忘開玩笑謂：「如果大家見到我鴛鴦腳，就係我受咗傷之後拍架喇！」昨晚一集，阿Moon遭林嘉華篤爆臥底身份場口，其右腳除了有瘀痕、還明顯比左腳腫了一些，但阿Moon仍專業地忍痛完成場口，令人敬佩。
網民激讚：蔡潔嗲Bosco勁正
先後合作過《法證先鋒V》、《驅魔龍族馬小玲》、《法證先鋒VI：倖存者的救贖》及《執法者們》等共八部作品的「菠菜CP」（黃宗澤＋蔡潔），原來是次是首度演情侶，且一嚟便甜蜜指數極高，除有親嘴戲（PS不止一次），昨晚的床上戲亦是極盡溫馨。鏡頭所見，陽剛味十足的黃宗澤，攬著皮膚雪白的蔡潔、畫面唯美，之後二人的互動更與真‧夫妻無異，黃宗澤眼見背著自己的蔡潔未瞓醒，溫柔地親吻對方頭頂。
床戲超溫馨再惹關注
之後被弄醒的蔡潔，輕輕皺眉後即轉身攬著黃宗澤，並以柔弱又嬌羞的眼神細細聲說自己想吃「沙嗲牛麵」，齋聽都感覺甜到漏！另之前蔡潔為黃宗澤煮飯一幕，除了蔡潔的賢慧Style備受關注，黃宗澤騙蔡潔留下來後、二人在餐桌上的甜蜜互動，也是望落愛意滿滿，有網民直言：「蔡潔嗲Bosco勁正」，難怪二人傳緋聞！
蔡潔視黃宗澤為定心丸兼學習目標：佢好得人鍾意
對於與黃宗澤演感情戲愈來愈有Feel，蔡潔接受官方訪問時坦承黃宗澤是其學習目標，並大讚對方好得人鍾意：「我拍第一套劇《飛虎2》已認識佢，當時佢隻腳受咗傷，而我有好多場口要同佢一齊完成，嗰刻我真係見到佢好專業，佢會忍住身體上嘅不適、去完成好多不可能任務。而且佢好得人鍾意，劇組上上下下都好喜歡佢，因為佢對人好真誠，我都成日提醒自己要向佢學習。其實我哋每次再碰面，我都會希望自己做得比上次好，無論係個人嘅演出、或者係大家嘅互動，佢都激勵到我進步。」
又笑言黃宗澤是她的定心丸：「我好榮幸入咗公司呢六、七年，可以同Bosco合作咁多次、成為好好嘅朋友。其實嗰時我拍《法證V》啱啱擔正，係好緊張嘅，所以當身邊嘅拍檔係好朋友時，個緊張情緒會有舒緩；我好多嘢都會問佢意見，如果佢肯定我，我係會定好多，都好感恩喺自己成長路常常都遇到佢，令我踏實好多。」
蔡潔開心動作戲獲讚：嗰幾秒對我嚟講並不容易
除了感情場口交足戲，蔡潔昨晚亦先後在停車場及執行海關工作期間展現好身手，蔡潔笑言「並不容易」：「雖然拍出嚟只係幾秒，但對我嚟講係並不容易，但我都係開心嘅，因為嗰兩場動作戲，可以show到我角色工作時嘅專業、表達到現代女性喺工作上嘅專業態度。同埋好多謝武指同所有工作人員，因為佢哋教識我點去擺靚啲甫。我想講，雖然係咁簡單嘅打戲，但我都係扭親咗少少手指公。」
港生活人氣娛樂新聞
↓【請您去🎁】荷花BB展2025👶 !↓
↓ 集合超過680個攤位😲舉辦BB爬行比賽等親子活動🍼↓
《社群》請您試用全新「驅蚊大師『清爽版』」200支！
