熱愛優質生活
首頁   \   港熱話   \   中四生去camp不肯自己裝飯,老師求救家長 家長:「去camp無工人,叫校工啦」

中四生去camp不肯自己裝飯,老師求救家長 家長:「去camp無工人,叫校工啦」

網民回應(圖:FB@ 90後教師決戰怪獸家長)
2015.07.28

網上有一個專頁叫「90後教師決戰怪獸家長」,一位年輕老師戴sir會經常喺嗰度分享好多佢見過怪獸家長同怪獸學生嘅奇異行為,今日佢就講咗一個關於去Camp嘅故事,話說學校帶咗班學生去夏令營,食飯嘅時候,戴sir有個中四升中五嘅女學生叫極都唔肯自己裝飯,仲駁阿Sir話阿媽教落裝飯係工人做唔係自己做喎,之後阿Sir就打電話同佢阿媽講,阿媽原來好明事理,知道去Camp冇工人,所以就叫阿女叫校工做,不過Camp冇校工喎,阿媽就話叫飯堂職員或者其他男同學做,仲話阿女唔啱食啲飯可以送老麥畀佢,戴sir同其他同事聽到O晒嘴,但係阿班主任就唔係咁睇,佢仲話戴sir多事,一陣畀人投訴就大鑊!

網民回應(圖:FB@ 90後教師決戰怪獸家長)呢個故事如果十幾廿年前講實以為阿Sir老作,今時今日講就真係小兒科,唔知其他網民點睇呢?

網民回應(圖:FB@ 90後教師決戰怪獸家長)老師今時今日嘅服務態度唔得囉,應該喂埋落口囉!

網民回應(圖:FB@ 90後教師決戰怪獸家長)  呢啲係福氣,唔係寵壞囉!

內容評分
評語