鄉音阿叔日本城買「X頭」 店員一頭霧水？揭真相爆笑：X頭都分幾隻腳

鄉音阿叔到日本城買「X頭」 

近日有網民在Threads分享因為鄉音出現的爆笑誤會！樓主在日本城聽到一位鄉音濃厚的阿叔向女店員詢問「阿姐有冇X頭賣？」，店員則停頓數秒才回神反問「咩...X頭？」，阿叔則回應要三隻腳的款式，令樓主忍不住爆笑，指「乜X頭都分幾隻腳既咩」

點擊看「X頭」 真相

網民：你應該答兩隻腳 

評論區則解畫指該位中年男子是想要購買「插頭」，有網民則表示忍不住笑出眼淚，更留下許多「盞鬼」評論！

點擊看網民留言

點擊圖片放大

點擊圖片放大

但亦有網民表示人家起碼肯說廣東話，勸大家尊重。

來源：Threads

的士司機遇鄉音大媽要去「跛佬炸雞」絞盡腦汁先估到！ 網民：係咪喺「煎你嚟食」嗰邊啊

近日有的士司機於Facebook的士司機資訊網 Taxi群組發帖，最近接了一名有鄉音的女士上車，客人稱：「師傅 麻煩你我想去嗰個,跛佬炸雞」，樓主聽到當下回應：「 下！乜嘢炸雞」，客人再重複一次「跛佬炸雞」，在樓主絞盡腦汁多番推敲後，終於得知原來是西環的卑路乍街。

+2

點擊圖片放大

網民爆笑形容「超級無敵估街名」

帖子引來一眾網民討論，笑言「超級無敵估街名」、「堅泥弟神（堅尼地城）嘅跛佬炸雞好長㗎喎，咩位置停呀？」，更有一眾網民分享自己的經歷「去～隔離揾老豆」是加連威老道、「哦，係咪喺「煎你嚟食」嗰邊啊？」為堅尼地城、「有冇聽過“哈爾濱道”呀」是海怡半島、「屍橫呀」為西環和「蝦米酸」是坑尾村，更有將the one 說成「墮威商場」，令一眾網民再笑爆稱「睇留言～笑死」。

+17

+16

點擊圖片放大

的士司機遇鄉音大媽要去「跛佬炸雞」絞盡腦汁先估到！ 網民：係咪喺「煎你嚟食」嗰邊啊

 大媽問路要去「地府」港人一頭霧水真相揭曉！網民笑爆嘴

該女子在社交平台Threads上分享，曾遇到一名操鄉音的大媽問路，對方竟詢問如何乘升降機去「地府」，「唔街（唔該），踏（搭）lift係咪可以落『地府』？」事主當場愣住。

地府原來係去呢度？

點擊圖片放大

網民笑爆嘴：做咩咁睇唔開？

帖文一出隨即引來網民爆笑，紛紛留言：「後勁好強，笑咗5分鐘個胃好痛」、「落地府，做咩咁睇唔開」、「咁無間係B第幾層」？有網民更留言笑指：「她是龍婆嗎？可穿梭陰陽界」。更有網民接力分享類似經歷，包括將「炮台山」聽成「鬧呆深」，惹熱議：「吓，完全唔岩音，好難估」；亦有人稱曾聽過內地人將「德朗邨」讀成「乜L邨」等爆笑案例，甚至有人遇過遊客將「屈臣氏」說成「去城市」，問「胡佳有冇死」實為「唔該，有冇水」等令人啼笑皆非的詢問方式。

網民留言籲尊重：欣賞佢嘗試用廣東話

不過，也有網民作溫馨提醒，雖然情況搞笑，但應尊重對方努力學習廣東話：「起碼人哋有試着照讀音讀先，尊重」、「欣賞佢嘗試用廣東話，尊重本地文化」。

大媽問路要去「地府」港人一頭霧水真相揭曉！網民笑爆嘴