執法者們｜羅子溢1分半鐘零對白情緒爆發 演技大躍進含淚激動槍指吳啟華
TVB熱播劇集《執法者們》本周一至五晚八點半翡翠台播出最後五集結局篇，昨晚（22日）劇情講述周俊傑（黃宗澤飾）自線人丁小非（丁子朗飾）死後，鎖定真兇是其手下張建邦（羅子溢飾）。最終在周俊傑設局下，張建邦曝露了自己的內鬼身份！被踢爆的張建邦雖然表面拒絕自首，但天性善良及有正義感的他內心一直很掙扎，加上經不起周俊傑的苦口婆心，建邦一度愧疚至想自殺…
羅子溢含淚激動槍指吳啟華
劇情請到被逼至走投無路的建邦，最終在警隊最大內鬼雷Sir（吳啟華飾）的升職典禮上向全世界踢爆雷Sir真面目，並為自己誤入歧途表示愧疚，最後在極度激動的情緒下，建邦吞槍自殺…羅子溢在兩場焦點場口均展現了沉鬱內斂演技，首先在一場長達分半鐘左右的駕車戲中，子溢在全程零對白的情況，只靠微表情、眼神及快要奪眶而出的眼淚，演活了角色複雜的內心情緒：愧疚、無助、悲痛及感動（被周俊傑的關懷打動），而在吞槍不果一幕，羅子溢亦將歇斯底里的情緒發揮得淋漓盡致。
1分半鐘零對白情緒爆發戲晒躍進演技
之後在升職典禮一幕，羅子溢槍指吳啟華一幕，先是落著淚超有殺氣的現身，再以夾雜憤怒、悲痛及自憐的情緒，向現場人士訴說自己如何受到吳啟華威逼而成為幫兇，及痛心又無助地一再強調：「我真係想做一個好警察」！子溢在場口中的演技贏盡了兩地網民好評：「真的發揮好好，眼前一亮」、「太帥了」、「這部戲（的演出）完全是穩下來又帶些許城府」、「讓人留下深刻印象的角色」、「羅仲謙d戲好咗咁多」、「有驚喜值得一讚」、「佢之前有幾套劇都演得好，《婚後事》、《家族榮耀之繼承者》。」網民又讚子溢被黃宗澤踢爆後的慌張眼神相當真實，完全將張建邦演活了。
羅子溢演活壓抑沉鬱壞警察獲正評
張建邦是一個可憐又可恨的負能量角色，之前因為沒背景沒學歷升職希望一再落空；及後又因查案時錯手殺了人怕被發現、被拍下毁屍滅迹證據而被利用做壞事…羅子溢坦言十分喜歡建邦這個角色，皆因覺得有挑戰性，故在細節位上花了不少心思：「我自己好深入了解過呢個角色嘅背景，一個鬱鬱不得志嘅警察做咗一件壞事，然後一個大話冚一個大話去掩飾自己仲可以繼續做好警察…我覺得自己進入呢個角色嘅時候，平時我哋喺片場係好融洽有講有笑，但拍呢套劇我每日去到片場，其實我會唔畀自己好開心、壓抑自己嘅情緒，等自己可以喺一個接近負面嘅情緒下去演繹每一句對白同每一個眼神，同埋要營造一個心虛嘅感覺，因為咁先會對所有事都好敏感。」
羅子溢為了家人親揭每日收工唔敢即刻返屋企
問到角色如此壓抑沉鬱會否影響情緒及生活，子溢坦言每逢拍畢heavy情緒戲都不敢馬上回家，為的是不想有任何負面情緒影響到家人，果真是好老公、好爸爸：「我會坐喺片場度大概半個鐘，同啲工作人員傾吓偈，令個人開心返，等自己唔好帶任何負面情緒返屋企。呢個係好緊要，俾自己去放低、或者relax一下。」
直認對黃宗澤充滿愛！
羅子溢又謂為做好角色，對於劇中恩師黃宗澤充滿愛：「呢樣嘢我都有同導演傾過，我覺得我對Bosco係要夾雜住友情、兄弟情，甚至係親人嘅愛，一定要有愛嘅心，個角色做嘅事先有立腳點。」
執法者們｜蔡潔獲網民大讚愈嚟愈有氣質
劇集製作方邵氏兄弟，早前在社交網上載蔡潔與黃宗澤拍攝的情侶視頻，雖然二人只是以靚靚姿態在鏡頭面前轉圈圈，但由於蔡潔樣子標緻、身材線條一流，加上做了一個將手伸向黃宗澤的小動作，因而在網絡引發熱討。
一個動作與Bosco緋聞再升溫
片段令二人緋聞再度升溫：「蔡潔想牽黃宗澤手」、「這個勾手太自然了，希望他們在一起」、「很有夫妻相」、「蔡潔看落只像20多歲」、「樣子氣質越來越好」、「又高又瘦又白又美麗又可愛」。
網民激讚：蔡潔嗲Bosco勁正
先後合作過《法證先鋒V》、《驅魔龍族馬小玲》、《法證先鋒VI：倖存者的救贖》及《執法者們》等共八部作品的「菠菜CP」（黃宗澤＋蔡潔），原來是次是首度演情侶，且一嚟便甜蜜指數極高，除有親嘴戲（PS不止一次），昨晚的床上戲亦是極盡溫馨。鏡頭所見，陽剛味十足的黃宗澤，攬著皮膚雪白的蔡潔、畫面唯美，之後二人的互動更與真‧夫妻無異，黃宗澤眼見背著自己的蔡潔未瞓醒，溫柔地親吻對方頭頂。
床戲超溫馨再惹關注
之後被弄醒的蔡潔，輕輕皺眉後即轉身攬著黃宗澤，並以柔弱又嬌羞的眼神細細聲說自己想吃「沙嗲牛麵」，齋聽都感覺甜到漏！另之前蔡潔為黃宗澤煮飯一幕，除了蔡潔的賢慧Style備受關注，黃宗澤騙蔡潔留下來後、二人在餐桌上的甜蜜互動，也是望落愛意滿滿，有網民直言：「蔡潔嗲Bosco勁正」，難怪二人傳緋聞！
蔡潔視黃宗澤為定心丸兼學習目標：佢好得人鍾意
對於與黃宗澤演感情戲愈來愈有Feel，蔡潔接受官方訪問時坦承黃宗澤是其學習目標，並大讚對方好得人鍾意：「我拍第一套劇《飛虎2》已認識佢，當時佢隻腳受咗傷，而我有好多場口要同佢一齊完成，嗰刻我真係見到佢好專業，佢會忍住身體上嘅不適、去完成好多不可能任務。而且佢好得人鍾意，劇組上上下下都好喜歡佢，因為佢對人好真誠，我都成日提醒自己要向佢學習。其實我哋每次再碰面，我都會希望自己做得比上次好，無論係個人嘅演出、或者係大家嘅互動，佢都激勵到我進步。」
又笑言黃宗澤是她的定心丸：「我好榮幸入咗公司呢六、七年，可以同Bosco合作咁多次、成為好好嘅朋友。其實嗰時我拍《法證V》啱啱擔正，係好緊張嘅，所以當身邊嘅拍檔係好朋友時，個緊張情緒會有舒緩；我好多嘢都會問佢意見，如果佢肯定我，我係會定好多，都好感恩喺自己成長路常常都遇到佢，令我踏實好多。」
蔡潔開心動作戲獲讚：嗰幾秒對我嚟講並不容易
除了感情場口交足戲，蔡潔昨晚亦先後在停車場及執行海關工作期間展現好身手，蔡潔笑言「並不容易」：「雖然拍出嚟只係幾秒，但對我嚟講係並不容易，但我都係開心嘅，因為嗰兩場動作戲，可以show到我角色工作時嘅專業、表達到現代女性喺工作上嘅專業態度。同埋好多謝武指同所有工作人員，因為佢哋教識我點去擺靚啲甫。我想講，雖然係咁簡單嘅打戲，但我都係扭親咗少少手指公。」
執法者們｜阮兒首演啞女兩星期速食手語
談到首次演啞女，阮兒坦言是「超大挑戰」，她透露由於由收到通知到正式埋位之間只有約兩星期左右準備，故此她除了上了三堂劇組安排的手語課，還積極在家拍片日練夜練，務求將所有手語記到「滾瓜爛熟」：「都有啲難度，所以有啲位都幾驚做錯，所以除咗上堂，都要靠睇片同自己拍片練習，睇吓捉唔捉到個感覺，好多謝老師同同事有幫我睇片同Tune番我。其實真係要好似排舞咁，要練到滾瓜爛熟先得。」
執法者們｜阮兒為角色零化妝兼剪薯嘜髮型
為了令角色更有說服力，阮兒在造型上也花了不少心思：「我係特登剪呢個髮型，主要想個頭出嚟感覺係簡單同埋要薯薯哋，因為我覺得呢個角色唔會係好時尚嘅人，所以我都冇乜化妝。」
與宣萱第三度合作
原來是次已是阮兒繼《掌上明珠》及《刑警》後第三度與宣萱合作，談到這位出名好人的宣萱，阮兒自然亦讚嘆不已：「我一聽到我演宣萱嘅閨蜜，我已經好開心，因為佢真係一個好好同好隨和嘅前輩，佢係會任由你發揮之餘、亦會畀好嘅意見，會令我好舒服同唔會驚；同埋因為佢真係冇架子，所以同佢合作係超級開心，仲好多嘢都可以問佢意見，因為我都會好擔心自己演唔到角色要嘅效果。」
港生活人氣娛樂新聞
《U GO必去榜》4️⃣大TOP2️⃣0️⃣榜單出爐🎉！
立即睇👀港人熱推演唱會／活動展覽／人氣自助餐／打卡Café😍
↓【限時搶⚡】送您Sweety Eyes by cl mall日本PIA日拋彩妝隱形眼鏡↓
↓甜美可愛系、自然亮眼系、明星款｜獨家9折優惠↓
