40歲港爸裸辭後呻難工！月花$2萬積蓄快見底！一原因拒低薪工作挨轟

40歲港爸一怒之下祼辭 呻失業多月仍未搵到工

該名打工仔於香港討論區以「唔經唔覺已失業個幾月」為題發帖，分享自己失業近兩個月的心路歷程。他表示，自己年約40多歲，從事物業管理工作多年，月薪約三萬元。

由於長期工作壓力沉重，早前決定裸辭，「脫離一份精神壓力勁大既X工，依家都冇後悔過」。他自言工作涉及一定專業技能，「我既工作需要一定專業，外勞同fresh grad做唔到」，原以為重投職場不難，沒想到至今仍未成功再就業。

1原因拒接減薪工：好難翻身

樓主續指，自2001年投身職場以來，從未試過如此長時間的空窗期，「估唔到身處一個一年四季都請人既行業，要淪落到等HR電話」。他透露期間曾成功面試，獲得一份新工邀請，但因為待遇降級、減薪數千而婉拒，他解釋：「當你接受跌一個grade，同減薪之後，到你再搵工時人地就會問點解降職降薪你都做，結論就係你做唔掂上一級既位，咁好難翻身」，他亦感嘆：「3萬頭唔算高薪吧，依家保安都2萬頭」。

疑似職場歧視年紀？港爸：面試無下文

面對求職不順，樓主坦言壓力沉重，認為自己或已面對年齡歧視，「有幾份in，但都冇下文，可能人地想請後生仔女吧」。他表示，家中每月供樓連雜費已達兩萬元左右，「每個月淨幾千至1萬自己駛」，加上子女補習、興趣班學費，以及聘請外傭等日常支出，財政壓力沉重。雖然家中尚有少量積蓄可應急，他直言「仲有D老本咬吓既，但唔多了，如果9月先有新工返，都會有經濟壓力」。

▼港男每月開支表一覽▼

點擊圖片放大

【原帖文】

同路人鼓勵當作休息期

帖文一出，不少打工仔留言撐樓主，「加油，保持正能量，得閒上網搵模板執下CV，重新send可能仲多意外收獲」，有同路人則表示：「我試過裸辭幾次，有時3個月先搵到，有時1個月就揾到，真係好睇你要求同運氣」。亦有網民建議他趁機轉換新方向，不妨嘗試創業做生意。

▼網民留言支持▼

+2

點擊圖片放大

有網民劈頭鬧爆：仲請工人？

但亦有不少網民對樓主生活方式大感不滿，批評他「仲請工人」，又建議他「大屋搬細屋」、「搵你兩邊老人家照顧（小朋友）」。有留言指出現在找工作不容易，尤其樓主年屆40，紛紛勸他不要再揀工，直言「騎牛搵馬」才是出路，「你以為你同Fresh Grad爭得過？」、「下次再有offer，唔好輕易放棄，騎牛搵馬一定比空等好」。

▼網民點睇▼

+8

+7

點擊圖片放大

面對質疑逐一回應 港爸：無工人邊個湊女？

面對網民的質疑，樓主亦逐一留言回應，表示現況並非外界想像得那麼簡單，他坦言：「物業管理真係好難請白紙，除非好junior嘅post」，強調自己有信心可以找到相若薪酬的同類工作。至於聘請外傭一事，他則直言屬無奈之舉，「冇工人邊個湊女呀，攪唔掂㗎，雙職父母，無謂攪老人家，年紀太大冇精力睇小朋友。記得早兩年老人家帶孫女過馬路，車死小朋友嗎？」

港爸回應「搬細屋」：再細就訓街啦

有網民建議樓主一家應該考慮「大屋搬細屋」，以減輕供樓壓力，但他苦笑回應：「（屋企）細到冇得再細了，下一步帶埋老婆、女、工人一齊訓街啦」。他亦否認可以暫時搬入長輩家中：「兩老屋企冇地方容納我一家四口了，如果要行到最後一步，或者要賣樓套現再租樓住。以現時市價，還埋按揭應該都有兩佰萬到拎得返既」。

來源：香港討論區