香港IKEA的梳化區向來是不少人的「免費休憩區」,部份人更將其視為自家客廳,玩手機或卿卿我我,甚至倒頭大睡,或對一些想試用購買梳化的顧客造成困擾。然而,近日有網民留意到,IKEA似乎已不再容忍這些「霸佔」行為,並採取了鐵腕手段進行「清場」,以「趕鴨仔」式的策略引發網上兩極討論。
網傳IKEA設「梳化專員」坐5分鐘即被趕走?
每逢酷熱夏季,商場、快餐店等有冷氣的室內空間總擠滿避暑人潮,而IKEA無疑是其中一個「自由度」極高的熱門休憩點,不少人將其梳化區乃至床具區當成免費的休息站,或小憩、或進行私人活動。近日有網民透過社交平台分享,稱IKEA「多咗成隊沙發(梳化)專員,專門趕走過嚟坐同瞓嘅人」,形容「每5分鐘成隊人好似趕鴨仔咁,叫人繼續往前行,留返啲凳比其他人試坐」。
該網民認為IKEA的「趕鴨仔」方法有點「肉酸」,並指出「明明已經冇哂人」,但梳化專員仍努力清場趕人。他又觀察到,大批原先安坐在梳化上工人姐姐面對「繼續往前行」的要求時,大多選擇「睬你都傻,即刻原路走晒」,轉而成為附近咖啡店的座上客,「附近嘅咖啡店多咗好多姐姐客,生意好好」,並感嘆「原來姐姐都有能力消費唔係淨係識得坐霸王凳,咖啡店多謝你」。
網民撐做法:不時見到啲人錫嚟錫去
儘管發文者對IKEA的新做法抱持保留態度,認為「有好多其他方法唔使咁肉酸嘅」,但大部分網民卻對有關行動表示大力支持。不少人留言力挺:「邊個肉酸啲先,人哋擺凳係度唔係俾你無限試坐㗎喎」、「我覺得佢個方法好好喎」、「點都唔會肉酸得過不時見到啲人喺IKEA梳化度錫嚟錫去」。不過目前官方仍未對事件仍出回應,難以證實「梳化專員」是否屬實。
資料及圖片來源:IKEA Hong Kong、Threads
IKEA小編8年出2,000個Posts成港人集體回憶
IKEA宜家家居香港社交平台早前被指失去往日的「港式幽默」,帖文風格明顯轉變。與IKEA合作達8年的Agency近日發帖表示:「8年間出過不下2,000個Posts,好多都好鍾意,但唔一一盡錄 謝謝。 」昔日小編句句擊中港人笑點,令人印象深刻。大家還記得小編創造過哪些神級Post嗎?即睇10大經典帖文(部份):
IKEA抽水帖文1. 小朋友推唔跌㗎
2022年5月,一名小童不慎撞跌旺角朗豪坊玩具店內,一個價值超過5萬元的「天線得得B」Laa Laa模型公仔,家長賠償超過3萬元引來熱議。涉事玩具店隨後發聲明稱事件已即時處理。IKEA宜家家居發文,並分享該店一個玻璃門書櫃產品的圖片,相中寫上:「家長們放心...我固定好晒,小朋友推唔跌我㗎!」帖文又指,唔單止我,我喺IKEA店內嘅兄弟們,只要係可以固定嘅話,我哋都固定晒。所以家長們,即管帶你哋極活躍嘅小朋友嚟啦!」
IKEA抽水帖文2. 抽林超英水網民問「條褲唔洗點處理」
2023年8月9日,前天文台台長林超英大爆「一條褲著足一個月都唔洗」,認為「人流汗主要集中喺上身,下身唔會流汗」,而且「名牌牛仔褲唔洗,大家又唔覺得有問題」,以證做法合理,令不少網民震驚。IKEA緊貼時事極速出Post抽水,寫道:「我真係ok呀⋯唔熱呀⋯但可唔可以幫我買返一打嘅IKEA涼感寢具系列,thx!」乘機推銷涼感寢具系列。
IKEA抽水帖文3. 冒險樂園擲彩虹砸界
2023年10月,屯門華都商場美國冒險樂園的「擲彩虹砸界」事件,有顧客質疑代幣大過綠色中獎區域範圍,令玩家永遠無法中獎,質疑有詐騙之嫌並即場報警求助,惹來全城關注。IKEA發文並上傳一張彩虹門墊照片,相中寫道「我應該夠闊啩?」。而帖文則指「你睇下我條綠色幾闊!目測應該有機會未必會砸界啩?不過建議帶個銀仔嚟IKEA度清楚先」。
IKEA抽水帖文4. 我係Long Yit 9
2024年3月《亞洲超星團》9人新男團因團名叫「Loong 9(音NINE)」而備受關注。LOONG 9成員冼靖峰當時被問及對團名的看法,表示名稱代表9個人,並解讀指:「龍喺12生肖入面好有意思,我會覺得好多時係……群……群龍之眾,希望呢個名喻意每個人又好,一個團又好,好似龍咁騰龍飛躍。我哋冇諗太多,名只係一個title,做好每個舞台,觀眾一定睇得出!」一夜間掀起各界抽水潮,包括IKEA。
IKEA抽水帖文5. 「美」味「誠」推月餅
2024年9月,由「瘋狂小楊哥」直播間帶貨的「美誠月餅」號稱源自香港的高端品牌,卻被爆在香港沒有門店銷售,涉虛假宣傳引發關注。IKEA出Post,並模仿直播間口吻寫道「老鐵們(捲脷)搶唔到美_月餅嘅」、「小榴哥推介大家嚟IKEA搶下榴冰皮月餅/迷你月餅」、「食完口臭啲,可以體驗一個人過中秋嘅樂趣(Yeah)」更hashtag「真貨嚟」「唔夠數」,「先到先得買完即止」。
IKEA抽水帖文6. 抽水實惠扮結業
2024年10月14日深夜,連鎖傢俬店實惠突然在官方社交平台發帖道:「多謝各位多年支持」,引來全線結業疑雲。不過翌日早上實惠再發文,表示大量貨品大降價:「從今天起,告別舊原價」,原來為了宣傳貨品大減價。作為同行競爭對手,IKEA反應迅速並上載一張相寫:「多謝各位多年支持小編」當中「小編」二字特別細,分明在玩實惠昨晚深夜「多謝各位多年支持」發文。同時帖文又指:「痴線⋯小編先唔會扮結業呀!純粹今日係國際小編感謝日(我啱啱定),想多謝下大家。Btw輕輕一提,IKEA嘅產品一早已經係創新低價⋯即係突破新價,感謝感謝。」
IKEA抽水帖文7. 余文樂「Love you bra」
余文樂曾在2017年在IG限時動態分享一段香薰影片,並將「smell good」打成「Smile good」,一度成為網上笑話。至2022年3月,他在IG限時動態貼出與好兄弟吳建豪合照,並寫「Love you bra」,被網民瘋狂恥笑,認為他將「bro」寫成「bra」,令「好兄弟」變成「好胸弟」。IKEA透過官方IG宣布,會重新推出一款名為「Brattby」的藍色購物膠袋,更將余文樂的原句照用,仲更強調自己無串錯字:「英文乳名真係叫Bra,佢真係Love我㗎」。
余文樂被網民瘋狂恥笑後,其後已刪走和吳建豪的合照,並在半夜更新IG限時動態,找來「bra」的字典解釋,稱該詞與「brah」互通,同樣有「男性好友」的意思,是一個常用於美國及南非的非正式英語名詞,與「bro」一樣可以作為「brother」簡稱。
IKEA抽水帖文8. 磨機鋸細床褥
2019年2月,有巴打在連登討論區表示「床褥太大冇得換」,竟然用磨機鋸細床褥,更上傳實物相片。IKEA其後發帖表示:「冷靜啲,放低把鋸先!我哋都知道床褥嘅嘢,一唔啱心水係會幾燥嘅。所以我哋嘅床褥係有 100 日試用服務,畀足夠時間你試真啲張床,當你真係唔滿意嘅話,歡迎您嚟換過第二張,務求令您可以搵到一張最完美嘅床褥為止。」並附上IKEA購買床褥的網址。
IKEA抽水帖文9. 愚人節食_
每年愚人節都有不少網民期待IKEA小編「作品」,今年4月1日IKEA就出Post:「一個post 已經見到幾多人想_編食_!唔緊要,今日到4月6號嚟IKEA 美食站有得食呀!大家都咁對_編!不如一齊食_啦你哋!講緊係食IKEA咖喱朱古力新地筒配脆米呀!想睇_編食_,咪過嚟IKEA美食站同_編一齊食咖喱味嘅_~_編就食足6日!」
IKEA抽水帖文10. Chiikawa金飾搶購潮推「痴家蛙」
周大福於今年3月23日與Chiikawa聯名推出限量金飾,大批粉絲到店舖排隊購買,引發搶購熱潮。出名抽水的IKEA小編亦沒有放過機會,發文指推出新公仔「痴家蛙」,更寫道「買唔到隻金娃,不如買我呢隻痴家蛙」,令一眾網民笑爆嘴。
資料及圖片來源:IKEA Hong Kong