女神配對計劃｜羅毓儀追求者T.MAX剖白「被拒絕」感受 單方面受情傷坦承：都真係有喊！
TVB戀綜真人騷《女神配對計劃》第八集是Dating Camp，羅毓儀（Yuki）在「心意配對遊戲」再度多番拒絕T.MAX，「擺到明」落閘對人冇意思，節目播出Yuki的行為亦被網民熱議。而日前T.MAX 就在IG撰長文剖白心跡，坦承被多次拒絕令他覺得好傷心，更直言：「都真係有喊！」
T.MAXIG撰長文剖白心跡
羅毓儀在《女神配對計劃》中多次落閘拒絕T.MAX，但又仍然沒有選擇淘汰對方，矛盾做法引起網民熱議。而事件的主角T.MAX日前亦在IG撰長文剖白心跡，表示感激觀眾的關心，並吐露被拒絕的感受：「痛？係真係痛。唔開心？都真係唔開心。喊？都真係有喊。嬲？又真係一啲都冇。」直言好傷心。
對Yuki喊話表示相信：你係為我好
T.MAX又對Yuki喊話表示相信她的決定：「由我決定要參加呢個節目（講真，真係要好大勇氣），到到要決定踏出呢一步盡全力去追一個人，係因為我相信你！到呢一刻，我仍然相信你嘅決定，你係為我好，你係想保護我，你係對我做左最深思熟慮而又最負責任嘅每一個決定。」並表示Yuki令他學習要努力做一個更加好、更加值得人托付的人。
坦承需要時間沉澱心情
最後T.MAX表示Yuki令他成長了更多，不過仍需要時間沉澱心情：「無論點都好，我會珍惜同我相遇過，交心過嘅每一個人！所以，我ok呀！係要啲時間沉澱一下嘅，但我知道自己係呢個段經歷入面有所成長！」不少網民都被T.MAX真誠的感受打動，並留言為他打氣：「支持你，見到你嘅真心🙌」、「你好真心架，我見到都好心痛💔」、「琴晚真係睇到我都喊咗😢」
羅毓儀多番擺到明拒絕惹爭議
新一集，事緣另一求愛勇士林俊其（Kris）在「心意配對遊戲」初段多番與女神羅毓儀（Yuki）擦身而過，相反同組的T.MAX（海淦清）卻一再與Yuki選中同一個答案。
由於T.MAX與Kris在「心意配對遊戲」前各自擁有一Key，假設Yuki揀選T.MAX玩甜蜜互動遊戲，Kris便隨時有可能輸掉遊戲兼有機會被淘汰。
親揭落閘與T.MAX甜蜜互動真相
有見及此，每當Yuki與T.MAX相同答案的時候，Yuki都會忍痛揀選其他隊的勇士玩甜蜜互動。閨蜜團之中的雲文子師傅見狀即指Yuki是戀愛腦：「塊臉好圓、隻眼好圓嘅人係愛恨分明，呢啲人唔鍾意你就係唔鍾意你。」Yuki閨密王菲亦有挺身為Yuki講出心底話：「費事畀咗希望你，你又覺得自己有機會，最後斷嗰吓仲難咯。」
羅毓儀亦在節目中親揭對T.MAX「落閘」的真相，因為她始終當他是朋友的身份，當兩人之間有太多身體接觸時，會有「不想」的感覺，並憶述上次被他壁咚的時候，直認感覺有點害怕。
閨密王菲爆Yuki親口承認對其中一位求愛勇士有Feel
Dating Camp的花生團主要由五位女神的閨密組成，其中Yuki閨密王菲則自爆經常與Yuki撐枱腳時𥄫靚仔，並笑謂Yuki有向她放風指自己對其中一位求愛勇者有Feel：「佢有透露過對其中一個（Kris）幾有Feel嘅，我都希望我可以幫佢做吓助攻。」
羅毓儀鎖定林俊其目標明確
這一集，Yuki繼續零掩飾她對林俊其（Kris）的鍾愛，例如玩完第一個回合後要派發心動鎖匙（PS 累積鎖匙最多者可與女神同房），Yuki嬌俏地猶豫了一輪後開心表示要畀Kris，由於Kris在環節中表現零突出，連Kris自己接Key也受寵若驚，全程睇實比賽進程的主持阿Bob見狀忍不住問：「點解嘅？佢淨係出戰過一次架咋喎！」
而Step則毫不客氣大叫：「偏心」。被連環「篤爆」的Yuki只能弱弱回應咗N咁多次「因為…」，事後她接受製作組訪問時勁坦白承認對Kris的鍾愛：「有機會要揀（Key）嘅時候，一定要畀自己最想畀嗰個人。」
女神至Hot造型青春氣息爆燈
本集正式進入Dating Camp對戰環節，五位女神葉蒨文（Sophie）、李芷晴（Stephanie）、羅毓儀（Yuki）、關嘉敏（Carman）及梁敏巧（Maggie）會與13名求愛勇士／組員大玩扯大纜、中西餐配對，及心意配對遊戲。
Dating Camp的花生團主要由五位女神的閨密組成，分別是Sophie閨密莊子璇Hilary、Step閨密何泳芍Honey、Yuki閨密王菲、Carman閨密莊思明、Maggie閨密鄧伊婷，還有堪輿學家雲文子；五位閨密更有權影響女神的同房過夜對象！
閨密輪流玩爆料！莊子璇爆葉蒨文最愛「談」戀愛
話明閨密，自然掌握對方勁多秘密，呢集Hilary、Honey及王菲便先後化身「爆料熱線」輪流玩踢爆。
Hilary直指每次跟Sophie傾偈，都是圍繞戀愛話題，並自豪謂：「所以佢嘅情史我係知得非常之徹底，我知佢鍾意一啲望落好Bad boy嘅樣，同埋眼細係一定要！」
Honey則笑指只要Step一有動作，便能馬上看穿Step對誰人有意思：「佢嘅情史我唔係淨係知道咁簡單，我係同佢一齊經歷，我會喺佢嘅行為度睇到佢鍾意邊個人咯。
五大女神濕身唯美水著Look搶先睇！
新一集公開五位女神葉蒨文（Sophie）、李芷晴（Stephanie）、羅毓儀（Yuki）、關嘉敏（Carman）及梁敏巧（Maggie）唯美濕身水著Look，分別穿上紫／白色、白色、花哩碌、墨綠色及紅色泳衣，大晒陽光活力一面，配以肉緊開心表情，吸睛度爆燈！
GM擔心玩輸遊戲睇住Sophie與其他男仔過夜
而Camping正式開始前，主持人兼金牌媒人林盛斌會向所有求愛勇者宣布當日成績最好表現的五位男士，將可跟心儀女神單獨同房過夜！一眾男士得知後表現勁震驚，紛紛大叫「好癲！」、「玩到咁大？！」GM接受製作組訪問時，更又再展現可愛本色搞笑謂：「死喇，咁即係如果我玩輸咗，佢咪同第二個同房？」
葉蒨文豪語迎Camping：我最期待係同男嘉賓瘋狂交流
談到在「三角枱約會」失利敗給勁敵林澤謙，GM坦言有很大挫敗感，但卻驅使他這次入Camp變得Carefree：「講真我咁大個仔都未試過咁樣追女仔！上次個挫敗感其實幾強，所以今次呢個camp我係期待，開開心心唔好諗咁多，結果係點就隨緣啦。」至於向來語出驚人的Sophie則豪邁笑謂：「我最期待係同男嘉賓瘋狂交流！」
港生活人氣娛樂新聞
↓【限時搶⚡】SERY BOX輕盈即食酵素粉↓
↓高速分解碳水、蛋白質及脂肪｜餐後消滯、去脹、減輕腸胃負擔↓
↓【限時搶⚡】賞您SmileLife™ ProMov骼動 專利蛋殼膜「精準」關節配方↓
↓針對關節痛症、退化、勞損｜最快5天特強關節減痛↓
