網民FB投訴HKTV網購　王維基1小時內親留言回應

HKTV自政府唔畀牌佢都好努力搵辦法生存，之前搵網絡電視開頭反應都幾好，不過之後點擊率都不繼下降，王維基都宣佈唔再拍劇，呢幾日，如果你有搭港鐵，都會見到全個月台都係HKTV嘅廣告，事關Wiki仔決定盡地一鋪搵網購，賣更多日常生活嘢，做一個網上超市，佢仲搞咗個Campagin，就係買滿$400，唔同區嘅顧客就會得到一份禮物！

尋日，有個應該住鰂魚涌嘅網民上網大鬧王維基，佢明明買滿$400，應該有部咖啡機，但係個系統最後就送蜜瓜畀佢，覺得HKTV呃佢，點知，有個叫Ricky Wong嘅人彈出嚟回佢，問佢輸入時有冇出錯，又親自試一次，Cap晒圖，最後就話再跟進，原來係王維基本人Facebook，嗰位網民當堂嚇一跳，仲讚佢係真君子！唔理係佢真人定PR，咁體貼嘅服務，已經要畀個Like佢，今時今日嘅服務態度應該係咁！

之後個網民再出Post講唔係區區有港鐵，送禮物區區唔同，有啲平有啲貴唔公平，Wiki又現身回應！

原Post：FB@李穎