女神配對計劃｜梁敏巧怕醜讚律師Matt胸肌好大 邊公主抱邊食百力滋畫面刺激
TVB熱播真人騷戀綜《女神配對計劃》，梁敏巧（Maggie）與劉啟進（Matt）發展穩定，而Matt集集都要展現「力的表現」更榮升為「肌肉擔當」，用肌肉冧倒女神！今集Maggie與Matt更一邊公主抱，一邊食百力滋，畫面相當刺激。
律師Matt榮升為「肌肉擔當」
愈來愈受歡迎的「最夾CP」梁敏巧Maggie＋Matt（M&M CP），今集都有感人搶焦位！首先，二人因為玩輸遊戲，被罰邊公主抱邊食百力滋；由於畫面實在勁刺激又粉紅，現場其他女神及求愛勇者全數化身花生友，各自拎出手機瘋狂拍片兼影相，場面爆笑。
Maggie怕醜讚Matt「胸肌好大」
由於是次已是Matt第N次體力勞動，結果正式升呢節目「肌肉擔當」。Maggie事後與閨密談及被Matt再次公主抱時，亦笑言：「我feel到佢個胸肌好大咯。」
Matt細心送禮 獲讚「窩心暖男」
Matt因為超細心又老實，人氣持續上升，Camping時還向Maggie送上來自日本的手信—「窩心黑朱古力」！原來因為Maggie曾向Matt透露喜歡吃黑朱古力，Matt即於日本旅行期間花盡心思搜羅最好的黑朱古力送給Maggie，令Maggie未食已甜在心頭：「原來佢記得我講過嘅嘢，覺得佢真係好有心。」
女神配對計劃｜梁敏巧組別只剩一人
雖然梁敏巧（Maggie）組只剩下劉啟進Matt，但他亦獲網民大讚Matt與Maggie襯到絕之餘，又大讚二人互動勁甜！網民：「Matt真係好純品，懷疑佢係A0」、「努力讀書做咗律師返嚟，而家得閒做吓gym咁」、「其實Matt幾好，戇直男feel，Maggie又強勢feel，一凹一凸好夾。」
梁敏巧與律師Matt婚姻觀夾到爆燈直認心如鹿撞
網民之所以覺得呢Pair咁襯，全因昨晚Matt有兩次揀中Maggie心意之餘，二人的婚姻及家庭觀亦perfect Match！最終Matt橫掃Maggie四條鎖匙，成為全Camp最高分，Maggie亦直認與Matt玩親密遊戲有心如鹿撞感覺：「我有怕醜嘅感覺，好耐都冇試過喇，好似返番去小朋友嗰種談戀愛心如鹿撞嘅感覺。」
閨密鄧伊婷爆料：佢就係嚟呢度搵人同佢生小朋友
Maggie閨密鄧伊婷，則大爆Maggie參加《女神配對計劃》真正目的是搵老公生小朋友！伊婷：「Maggie好鍾意小朋友架，佢依家已經想生架喇，佢就係嚟呢度搵人同佢生。」混亂間，王菲大拋口痕Bite：「今晚係機會喇。」
「東張女神」梁敏巧是誰？
梁敏巧自爆鍾愛「霸道總裁」
梁敏巧曾自言入行後覺得很難找到可靠男朋友，加上成為「東張女神」後戒心亦變重。在節目中，Maggie更揚言鍾愛「霸道總裁」，希望可以「搵到老公」！Maggie曾說：「我很喜歡看愛情劇集及電影，經常幻想那些浪漫情節發生在自己身上」
視彭于晏為男神
Maggie又曾大方分享擇偶條件，做瑜伽以外，她亦喜歡戶外活動，坦言「希望將來的男朋友也有共同興趣，這樣才能有共同話題。」表示但更喜歡擁有古銅色肌膚的陽光男孩，心目中的男神是型男彭于晏！
梁敏巧學歷起底多才多藝
梁敏巧曾就讀粉嶺神召會幼稚園、粉嶺公立學校及基督教香港信義會心誠中學。她6歲開始學習鋼琴，小學時已上台表演自創曲目；中學時是射箭隊成員，亦考獲倫敦聖三一學院的演奏級文憑。後來她入讀香港樹仁大學新聞與傳播學系，在因2019年疫情期間更考取瑜伽導師牌照，絕對是多才多藝女神。
梁敏巧2019年落選港姐入行
梁敏巧在大學畢業後曾經成為港聞版記者，後來她在社交平台發文表示自己感到人生苦悶，希望能找到一些東西去衝擊一下，於是在2019年報名參選香港小姐，可惜當年並未有獲得任何獎項，10強止步遺憾落選，而當年的冠軍是黃嘉雯、亞軍是王菲、季軍則是古佩玲。
梁敏巧《Think Big天地》主持
19年落選港姐後Maggie隨即簽約經理人合約做親生女，兩年多以來就以兒童節目《Think Big天地》的主持工作為主。負責Kids Theater、 抉戰常識、Think Big腦力戰 、"智"醒係邊個、健康知識True or False等環節。
梁敏巧34D身材被封「東張女神」
Maggie於2021年正式加入《東張西望》外景主持行列，不時以貼身裝束和緊身上衣出場，憑著34D「導彈級」澎湃上圍，性感突圍而出，引起不少話題度，打開知名度而人氣急升，接棒獲封為新任「東張女神」。
被網民指5年前選港姐身材大不同
有網民對比梁敏巧5年前選港姐身材，她參選香港小姐時曾在泳裝環節展現身材，在泳裝環節中不能墊胸墊，照片中沒有什麼看頭。當時的上圍相比現在絕對是平坦不少，與現在的「導彈級」澎湃上圍對比相差甚遠，被網民懷疑假胸，傳出「加工」疑雲。
梁敏巧被Babyface先生力追
「東張女神」梁敏巧在TVB《呃錢》節目中邂逅Baby face港男，後續再被Baby face港男力追而Baby face的猛烈攻勢險讓梁敏巧幾乎招架不住，事件亦在掀起網上熱烈討論，成為全城熱話。Babyface港男更向Maggie送上鮮花戒指求婚，可惜被女神狠心棄置垃圾桶，最後Babyface港男宣佈放棄。
港生活人氣娛樂新聞
【請您食月餅🥮】利苑雙聚嚐月禮盒！
↓簡單登記免費嘆流心奶黃+雙黃白蓮蓉月餅💕↓
↓【限時搶⚡】明色藥用美白抗皺W系列↓
↓一本三效｜美白、保濕、抗皺↓
假日好去處