將軍澳深仔記被逼結業？自願加租仍不獲續約惹議！街坊狠批商場：而家好好市咩？
香港結業潮持續，不少食肆因經營不善或面臨瘋狂加租而倒閉，但亦有餐廳即使願意加租，仍無法獲得續約。將軍澳中心人氣雲吞麵店「深仔記」日前宣布將於本月底結業，原因是租約期滿後，店方願意加租仍不獲續約。消息一出震驚街坊，不少人大呼可惜，直言「好食嘅反而冇得做」；更有人批評商場做法離地，直言「而家好好市咩？」、「真係巴閉，肯比租都唔續」、「九成又租比內地企業」。
自願加租都唔得？將軍澳「深仔記」月底被逼結業
日前（2日），有港人在Facebook群組「將軍澳主場」貼出將軍澳中心深仔記雲吞麵的結業告示，引起網民熱議。樓主在帖文中無奈表示，「將軍澳中心好巴閉，深仔記話可以加租都唔續約，將於8月下旬停止營業， 想食碗雲吞麵啫都咁難！」
從樓主上載的照片可見，深仔記張貼了一張「租約期滿，業主不再續約」的結業告示，並感謝顧客多年支持。告示指出，該分店在將軍澳業績不俗，店方期間多次與業主商議續租，甚至願意加租，但最終仍無功而還。由於業主拒絕續租，深仔記無奈決定結業，預計8月下旬起停止營業。
【原帖文】
街坊直呼不捨：好食反而冇得做
消息令不少街坊感到可惜，有人留言表示「好食嘅，反而冇得做」、「區內比較有水準嘅麵店都冇埋」。更有網民直言深仔記的雲吞麵味道地道、下午茶抵食、服務不錯，加上「成個商場得深仔記一間開到十二點」，如今結業是將軍澳飲食圈一大損失。
▼網民點睇▼
網民狠批商場做法：而家好好市咩？
不少網民認同樓主所言，直指將軍澳中心「好巴閉」，明明商場內空置舖位不少，但業主仍拒絕續約，令人難以理解，「肯比租都唔續，而家S舖位好好市咩？」、「將軍澳中心而家有勁多吉舖，仲加租？」不少街坊直言會「罷去」商場，並希望深仔記能在將軍澳或附近地區重新開業。
為大品牌鋪路？網民稱「九成又租比內地企業」
同時，有網民發現就連老媽拌麵亦面臨相同境況，紛紛猜測業主拒絕續租是為大型連鎖或內地品牌鋪路，「連老媽拌麵都被停止續租了～唔係又租俾大陸品牌啊嘛」、「係咪想讓路比某啲品牌」、「九成又租比內地企業」。更有人形容，現在將軍澳中心已逐漸變成「小深圳」，擔心本地特色小店會愈來愈少。
▼網民猜測背後原因▼
來源：FB@將軍澳主場
港生活人氣本地熱話
↓【限時搶⚡】逸東軒「逸月流金」禮盒↓
↓香甜幼滑迷你流心奶黄月餅↓
↓【限時搶⚡】明色藥用美白抗皺W系列↓
↓一本三效｜美白、保濕、抗皺↓
假日好去處