公司生意差老細要求全體減薪5%！同事零反抗 講出1句話惹熱議！網民：港版現代黑奴制

公司宣佈減薪5% 同事反應激嬲樓主

該名打工仔在連登討論區大吐苦水，指上周四（31日）收到公司電郵，公司以「生意唔好」為由要求全體減薪5%，共渡時艱。樓主對此極為不滿，直斥安排荒謬，「環境好嗰陣又唔見你加薪」。

但更令他憤怒的是，一眾同事竟然欣然無異議接受，繼續謹守工作崗位，「一個二個都話而家經濟唔好，乜差唔好，呢樣嗰樣，有而家呢份垃圾工已經好好」，甚至在午飯時積極討論「如何幫公司翻身」，當中更有人說出「公司好，就係我們好」，令樓主極度無言。

他狠批：「有呢啲咁垃圾嘅員工，間公司會變好先至奇，係睇唔（過）眼嗰班忠誠X，不如叫佢地免費幫公司打工」，並表示自己正掙扎兩個選擇：「一係即刻辭職，一係每日幫老細倒米，直到佢執笠為止」，其後更發起網上投票表態去向。

港版現代黑奴制？網民力撐樓主

帖文一出即引起熱議，截至2025年8月6日，「支持辭職」一方已獲得超過3600個正評，遠超「倒米派」的269票。不少網民力撐樓主，批評公司以經濟不景為名削減人工，更直斥「呢啲港版現代黑奴制嚟」。也有網民指出，當公司發現員工普遍逆來順受、無條件接受不合理要求和壓榨，日後只會變本加厲，「而家減5%，遲啲見你哋冇反應，再減多鑊都無人反抗。」

▼網民留言▼

+3

+2

點擊圖片放大

理性派網民提醒「低調走人」才是上策

另一派網民持相對理性立場，指出樓主雖然有道理，但過激言論未必實際，「偷偷地出面搵緊工又話你知」、「有決心走既人係無乜先兆」。有網民則認為，打工仔背後各有壓力，不是每個人都可以即時辭職，「有冇聽過仔細老婆嫩」、「仲有按揭要供，你試下失業幾個月」，更有人指出現實處境，「公司好員工未必好，不過公司差員工一定食屎」。

▼即睇網民理性分析▼

+5

+4

點擊圖片放大

樓主更新狀況：決定繼續「倒米」

至於樓主本人，其後亦更新留言回應事件發展：「多謝咁多位踴躍嘅支持，雖然收到超過1000個正評，不過我決定繼續每日幫我腦細兇狠地倒米。」他更分享第一日實踐的「倒米日誌」內容，內容包括刻意遲到返工、午餐食足兩個半鐘、全日無心工作。

網民質疑樓主「呃正評」

不少網民看後，紛紛質疑樓主「講多過做」，直言「樓主呢類喊打喊殺既，多數up一年半載都未走」、「未又係死死氣返工，我就唔信真係咁型走啦」。亦有人語帶嘲諷：「班同事仲營營役役，你同事就是你」、「你有料既一早炒左腦細啦」、「唔辭職都啱既，好似你呢種人出到去實搵唔到其他工」，甚更有網民懷疑樓主發帖動機只是為了「呃正評」。

勞工處：減薪前必須事先取得僱員同意

如減薪行動處理不當，可能會引起僱傭之間的誤會與糾紛。根據勞工處《僱主與僱員指引》，僱主採取減薪行動前，你必須事先取得僱員的同意，否則會違反《僱傭條例》下須依時支付工資給僱員的規定；僱主亦須就尚未清付的工資支付利息。

▼減薪時僱員須知▼

點擊圖片放大

來源：連登討論區、勞工處