港男炒股輸光欠債180萬 失業撐唔住一度想跳樓！網民齊勸：破產後仲大把錢途

借180萬炒股輸清光？港男絕望：曾諗過跳

近日，一名港男於Facebook群組「香港破產關注組」上發帖訴苦，今年32歲的他曾借180萬元投資股票，結果血本無歸，全數虧蝕，其後更因壓力與債務問題失去工作。他坦言目前無力償還債務，更直言「有諗過jump」，生活陷入低谷。

樓主透露，日前已見過社工，對方建議他申請破產，「捱多幾年就冇事」，但他仍難以放下執念，「成日仲有想追數既心態」。他又指，家人已勸他先戒賭自救，但他卻認為自己窮途末路，則無奈地表示「今年已經32歲，覺得冇哂將來」。

網民齊打氣：破產後仲大把錢途

帖文一出，隨即引來大量網民留言鼓勵樓主，紛紛勸樓主千萬不要輕生，「為錢而死係最onX」、「係冇必要跳，你唔還佢都吹你唔脹」。有網民指出，破產過程雖痛苦，但不是人生終點，「捱多幾年唔使還，你仲想點？」、「依家去搞破產，4年後先36歲，仲大把錢途」、「捱左佢，為自己行為負責」。

▼網民留言鼓勵▼

+6

+5

點擊圖片放大

大把名人試過破產？網民稱「特朗普都破四次產」

不少網民紛紛留言指出，破產並非人生終結，反而不少名人也曾經歷過低谷，「特朗普都破四次產啦」、「的士佬好多都破左產啦，咪日日渣完的士去梳乎」、「楊先生39歲破產都重站得起身」。甚至有人語帶戲謔表示「橫掂搞破產，有冇得再借多啲，睇吓可唔可以翻身」。

帖文真實性成疑 網民質疑「點解唔保住份工先？」

有部分網民質疑帖文的真實性，認為當中存在太多不合理之處，「真心想知道你點樣借180萬」、「做邊行可以冇抵押咁貸款成一百八十萬」，質疑樓主所述的借貸情況未必屬實。亦有人指出，面對巨額債務時，大多數人首要應是保住工作和收入來源，但樓主卻表現得毫不在意，令不少人質疑帖文是虛構內容，藉此博取同情，更直言：「明顯老作」。

來源：FB@香港破產關注組