香港百貨公司「超低薪」請貨車司機 人工仲低過看更？網友：連跟車都請唔到啦

勞工處招聘廣告再掀爭議

近日Facebook群組「裁員炒人消息關注組」上，有港人截圖分享勞工處一則招聘廣告，並留言批評「5.5噸貨車司機，人工仲低過看更」。

貨車司機返足5.5日 月薪只得1.4萬？

從照片可見，某大型百貨公司正招聘兩名5.5噸貨車司機，主要職責包括運送貨物往返貨倉及門市，協助上落貨、做好車輛的保養及清潔工作，取車地點為大圍貨倉。

職位對學歷及經驗要求不高，申請人具中三程度、1年經驗、懂讀寫中英文、持有輕型貨車駕駛執照和私家車駕駛執照即可。值得注意的是，其月薪$14,000至16,000不等，每星期工作5至6天，工作時間為星期一至六上午8時半至下午5時半，星期六實行長短週，每天工作8小時。

明正言順輸入外勞？網民鬧爆：又係呢招

不少網民看後都認為，這則招聘廣告薪酬待遇相當離地，明顯與市場脫節，「15k連跟車都請唔到啦」、「做麥當勞起碼仲有野食」、「做譚仔好過有2皮仲包食」。亦有聲音質疑僱主真正目的，並誠心招聘本地人才，而是為申請外勞鋪路，「請唔到人，明正言順輸入外勞」、「無人咪大條道理外勞囉 ，又係呢招啦」。

▼網民留言▼

+10

+9

點擊圖片放大

網民無懼低薪當「攞經驗」

另一部分網民持不同看法，認為在經濟或行業低潮期間，「有工開」已屬不易，低薪工作亦可視為累積經驗的途徑，「好休閑，返5日，實做4個鐘，過度時期啱哂呢啲工」、「P牌咪入去做當操車囉」、「幾低都有人做，香港人就係咁，萬二都做呀」、「P牌去攞經驗lo，呢間野有L野送」。

AI分析香港貨車司機平均薪酬

根據ChatGPT合多個招聘平台資料，香港 5.5 噸貨車司機的月薪大致介乎$20,000至$25,000，薪酬高低視乎具體工作性質、工時及福利安排而有所不同。其中，凌晨或夜班與重型運輸通常薪資較高，部分月薪可達$26,000至$34,000。與此相比，該招聘廣告所列出的月薪明顯低於市場水平。

網民好奇：而家都仲未執笠？

有網民將矛頭指向百貨公司，指其向來對員工待遇刻薄，「呢間嘢不嬲刻薄，好景嘅時候，人工都係好低」。亦有留言質疑其財政狀況，「呢間咁嘅公司，匪夷所思點解到而家都仲未執笠？」、「全部舖都係租返嚟，蝕咁多年都仲未執笠真係奇蹟」，甚至有網民戲言，指公司或許只靠老一輩撐住，「可能仲有老一代未過世， 所以先繼續苟延殘喘」。

來源：FB@裁員炒人消息關注組