女神配對計劃｜葉蒨文親揭鍾情GM最重要原因 被「脆弱GM」感動激罕落淚
TVB戀綜真人騷《女神配對計劃》新一集中，「國民CP」曾展望（GM）與葉蒨文（Sophie）出現暗湧，因Sophie認為GM在幫忙找電話時不夠積極，一句「GM好似後尾係Feel到…」觸動了GM的神經，令他感到委屈與不滿，更一度在鏡頭前爆喊落去。葉蒨文霎時方寸大亂，更要狂出招安撫「脆弱GM」。
GM淚灑鏡頭 Sophie深受感染共情落淚
GM事後向Sophie真情剖白，坦言自己並非「懶懶閒」，而是非常努力且重視Sophie對他的看法，並解釋不主動是為了避免霸佔她。面對GM委屈落淚，Sophie展現出心痛與憐愛的表情，一再出招安慰及氹GM之餘，自己亦忍不住被感染落淚，兩人關係亦因為GM脆弱與坦誠，再度真摯昇華！
GM拭淚破涕為笑 告白「我好緊張你」
雖然委屈又難過，但GM最後不忘向Sophie大派定心丸：「我淨係想同你講我好緊張你。」當得到Sophie肯定時，眼眶仍帶著淚光的GM馬上破涕為笑，並纏著Sophie冧豬地說自己想主動message聯絡她，鬼咁冤氣。
Sophie大讚GM真誠 不造作性格是心動原因
Sophie事後接受製作組訪問，坦言全盤接收了GM的真心、真摯及真誠：「其實呢個都係我鍾意GM嘅其中一個原因，就係佢一啲都唔會假同造作，佢唔識咯，所以我覺得佢嗰吓係真情流露，佢真係好努力，佢都真係幾鍾意我。」
葉蒨文曾展望全集最衝擊畫面
在葉蒨文（Sophie）與曾展望（GM）的真情對中，GM難得認真向女神真情剖白；雖然觸發點只是「幫Sophie搵電話」，但自覺被誤解的GM剖白時，仍數度委屈至哽咽兼落淚。這集觀眾除可看到GM坦誠及純粹一面，亦會更明白這個大男孩內心的脆弱。
表情管理失守！GM因Sophie簡單一句話冇晒心機
貴為「國民CP」的GS其實不無暗湧，Sophie不止一次覺得GM不夠主動（仲要有個主動林堡熙Eddie做對比），在上集的Hidden Task，Sophie有感GM幫忙找電話未夠積極，並於分享時說了一句：「GM好似後尾係Feel到…」，並向花了足足三小時幫自己找電話的Eddie道歉。
GM不甘被指「懶懶閒」向葉蒨文委屈哭訴
Sophie簡單的一番話，嚴重觸動了GM神經，當場已藏不住低氣壓的GM明顯冇晒心機，事後GM向製作組重提事件時，仍心有不甘謂：「好快發現係咩？即係我冇畀心機搵咯，我係覺得佢好似緊張Eddie多過緊張我，我係有啲唔開心。」
GM受屈四大真相
之後在單對單真情對話環節，GM主動找上Sophie為自己辯解，包括1.不主動是因不想被感到霸住Sophie，2.為了Sophie已展現了應有的男士風度，3. 幫Sophie找電話時絕對很努力，4.十分緊張Sophie及重視Sophie對自己的看法。GM：「我唔想令你覺得我懶懶閒，唔在乎，我唔係咯」、「其實其他人誤解我唔係好著緊，我淨係緊張你有冇誤解我」
向來笑面迎人的GM，亦會真情大爆發：「係咪每次我一笑，就（好似）咩都冇做咁呢？」面對哭得無助得像個孩子的GM，Sophie一臉肉痛、擔心、憐愛，粉紅度爆燈兼疼到入心！
港生活人氣娛樂新聞
【請您食月餅🥮】利苑雙聚嚐月禮盒！
↓簡單登記免費嘆流心奶黃+雙黃白蓮蓉月餅💕↓
↓【限時搶⚡】laCOOL彈白飲↓
↓15天彈 ．潤．白↓
假日好去處