網民怒數連鎖酒樓3宗罪！點心份量大縮水+疑用預製菜？港人：未坐低已遇「小強」

文: 黃樂恩

3小時前

本港酒樓結業潮持續，不少酒樓正面臨洗牌換血，紛紛推出各式飲茶優惠吸客。不過，近日有多位網友在Facebook群組「香港酒樓關注組」分享飲茶經歷，投訴點心細過豉油碟、味道參差，更質疑酒樓為節省成本，大量採用來自內地的預製點心。帖文引發熱議，有人狠批「預製都算，但難食呢」，亦有人為業界平反，認為預製不等於劣質，「其實預製菜有乜問題呢？」

連鎖酒樓點心愈平愈伏？港人：$35.8孖寶同豉油碟一樣大

近日，Facebook群組「香港酒樓關注組」上有多則帖文引起熱議，其中一名網友分享早前光顧某大型連鎖酒樓的用餐經歷，當時他點選了一份$35.8的點心孖寶，但其中一道「櫻花蝦蒸蘿蔔糕」份量極小，他直言：「無諗過同豉油碟一樣size」，並質疑性價比過低，對此感到相當失望。

點心味道參差...食客未坐低已遇「小強」

另一帖文提到，一位網友光顧同一間大型連鎖酒樓，四人共點了兩份孖寶及六款點心，合共花費了$409.50。他上載點心照片與網友分享，並評論其味道參差不齊、有高有低，「超星燒賣唔好食」、「排骨拼鳳爪食材麻麻」。除了食物質素，他亦批評環境衞生：「入到大堂我未坐低，隔離兩張檯有人大叫，好多小強」。

點擊圖片放大

網民狠評：酒樓點心用嚟劏人

相關帖文引起大量迴響，有網民狠評其中一道點心「牛肉燒賣」賣相欠佳，甚至直言「好核突，食唔落」、「乜X嚟！瘀瘀黑黑」、「講咗咁多樣嘢食，即係唔好多個好啦」。亦有留言感嘆現時本地酒樓欠奉誠意，直言「自從冇酒席，酒樓點心用嚟劏人」、「都係番大陸食算啦，呢啲酒樓無得救」。

部分網民將問題歸咎於預製菜的普及，「敗在預制也不懂找好D味呢」、「好早期就已經係中央工場！啲質素越做越差」、「預製都算，但難食呢」，甚至預言「遲早執埋，收番啲現金就走人」、「賣到咁既價錢，會唔會想最後收番d現金執笠」。

▼網民點睇▼

點擊圖片放大

酒樓用「預製點心」已成常態？網民踢爆：淘寶真係有

上周三（13日）有網民於另一間大型連鎖酒樓飲早茶時，點選了一份$26的六件點心拼盤，並大讚「賣相及味道好正」。不過，帖文曝光後引來網民熱議，有人發現拼盤中其中一款「芋蓉蘋果包」外形與內地網購平台出售的急凍點心幾乎一模一樣，其網上售價每個平均不足3元人民幣，網民直言：「淘寶真係有」、「鐘意可以淘十打返屋企慢慢食」。