非自住勿買樓？港人稱「樓價有排跌」建議租樓先！網民意見兩極：點解唔可以買？

文: 黃樂恩

2025.08.22

近年香港樓價跌跌不休，愈來愈多港人傾向「租樓代替買樓」。近日有網民於討論區發帖，他直言：「唔係自住剛需千祈唔好買樓」，更認為香港樓價未來或有機會退至深圳水平。帖文隨即在網上引起熱議，網民意見兩極，有人認同此說法，指現在買樓隨時變成負資產；亦有人反駁指「自住係必需」。面對樓市跌勢，港人應否趁低吸納，還是繼續觀望？

未來樓市供過於求？港人：同深圳睇齊再買

該名港人於連登討論區發帖，直言「依家唔係自住剛需，千祈唔好買樓」，並分享對香港樓市的悲觀看法。他指出，香港生育率下降、年輕人口愈來愈少，未來港人住屋需求只會進一步萎縮，認為目前並非入市的好時機。同時他形容「香港慢慢只會變成南深圳」，預期未來樓價將持續下調，甚至有機會倒退至深圳水平，與其高位入市背上重債，倒不如暫時租樓過渡，「樓價仲有排跌，同深圳睇齊再買未遲」。

港人看淡樓市：買樓等於輸一代人資產

不少網民認同樓主的觀察與預測，紛紛留言：「我睇呢5年會跌70%」、「港樓價值已被睇穿，好難再上返高」、「明知有排跌，有剛需都租啦」，認為先租後觀望較為穩妥。亦有網民指出，「供樓基本上已經輸咗一代人資產」，形容現時樓市低處未算低，堅持買樓隨時會變成「負資產」。

▼網民點睇▼

點擊圖片放大

樓價大跌都堅持買樓？網民：自住係必需

另一派網民則認為樓主觀點太過悲觀，認為未來樓價或會繼續調整，但不會跌得如此誇張，「而家1000萬嘅樓五年內會變300萬？我覺得會跌，但係又唔會咁誇張喎」。有留言則認為，若有長遠定居香港的打算，即使樓價下跌，買樓自住仍屬合理選擇，「如果冇諗住移民，會喺香港生活一段時間，點解唔可以買？」、「租樓都係幫人供樓，而且自住又係必需」。