俠醫｜譚凱琪演自閉難度極高被指似「花家姐」 壓力爆煲曾自我懷疑唔識演戲

張曦雯譚凱琪姊妹情勁入屋

其中一幕穎茵強逼穎琛晨早流流起身煮早餐的場口，劇情講述穎茵六點鐘未到就猛叫熟睡中的妹妹穎琛起身煮早餐，原本已精神不足的穎琛，以生無可戀tone為家姐𢳂一早規定好的「三勺半Cereal」，不過穎茵卻有感穎琛𢳂多了半勺、遂閹尖地將多出來的半勺Cereal倒回container中…之後穎茵又逐一批評穎琛整的多士「唔夠脆」，及燶邊蛋唔夠燶邊，更不斷叫穎琛再整過，令穎琛幾陷崩潰，相當搞笑。

+3

+2

點擊圖片放大

+3

+2

點擊圖片放大

演自閉難度極高

對於網民受落新角色，Zoie接受訪問時坦言舒了一口氣，並透露事前確實做了不少功課：「我有睇咗啲documentary，知道有好多唔同類型嘅自閉症，有啲靜啲、有啲好鍾意講嘢，同埋佢哋好鍾意一樣嘢、就會即刻去研究！咁我個角色就係對顏色好有執著，同埋要好有規律，譬如食嘢要有次序、要排到好整齊，我都盡量做多啲呢啲細節位，希望可以演番出個特性... 所以演嗰時有成日提住自己，一有呢啲嘅場口要盡量做多啲...」

點擊圖片放大

+3

+2

點擊圖片放大

開劇前做足海量功課 

Zoie又指：「另外我都有參考一啲講自閉症嘅影集，同埋有聯絡過自閉症協會等等嘅相關組織，向協會啲人了解吓自閉症同埋相關Case，睇吓可唔可以擺到啲Case落去套劇。例如有啲患者佢哋可能會大叫或者揼地，我就盡量抽一啲唔好咁小朋友嘅嘢嚟演，因為都想演出嚟唔好同觀眾想像爭太遠。都難架，好似講嘢嘅節奏，佢哋一般都好平，但監製April會想我演得生動啲...即係有時我比較冇乜太多表情時，佢就要我生鬼番啲，所以都要一路演一路tune，tune返啱個角色定位同年紀。」

+2

點擊圖片放大

+3

+2

點擊圖片放大

角色靈感嚟自囡囡

談到劇中角色為張曦雯帶來不少麻煩，Zoie笑言主要靈感是來自囡囡：「譬如食早餐，因為我個角色鍾意食卜卜脆嘅嘢，一食到覺得唔夠脆嘅，就會即刻揼落去Kelly個碗度，當佢個碗係垃圾桶咁，哈哈！我覺得呢個角色都有少少似我個女，又係唔好食嗰啲嘢，佢就擺落我個碗度囉！我就拎咗佢呢啲嘢放落套劇度。」

+2

點擊圖片放大

壓力爆煲一度自我懷疑唔識演戲

Zoie是次飾演自閉症患者同樣滿是記憶點，不但長期要以特別模式說話、而且很多時候講話都不會望人，為人又有很多堅持和執著，衣著打扮又特別古怪和鮮明。Zoie坦言當初接到這個重任時，有擔心過拿捏不到：「未開始前好大壓力，好似做落唔係好似，太over又驚太誇張，太冇嘢又驚突顯唔到個角色，嗰時覺得好有挫敗感，直頭懷疑自己係咪真係唔識演戲，好似所有嘢都要重新嚟過咁、唔識點做。」

+3

+2

點擊圖片放大