女神配對計劃｜林俊其為娶羅毓儀放下藝人包袱做兼職 自爆秘撈突然口窒窒驚唔出得街
TVB戀愛真人騷《女神配對計劃 最後告白》進入倒數階段，林俊其（Kris）與女神羅毓儀（Yuki）這一對CP發展神速，絕對拍得住葉蒨文與GM！林俊其在早前十年後的告白環節中許下「家的承諾」，而為了實踐這個「家的承諾」，Kris就自爆唔介意撈埋幕後剪片工作，只為儲錢搭建「愛的安樂窩」。
林俊其撈埋幕後剪片工作儲錢
其實林俊其日前一集除準備了「道歉公仔字條」、「情侶貓咪Tee」、「自製甜品」氹羅毓儀開心，還身體力行地實踐給羅毓儀一個「安穩的家」的承諾。
在Kris的告白時間，Yuki提及若與他真的拍拖其實不無顧忌，其中一樣是金錢上的憂慮：「你十年後嗰番說話，你一講到有個家，我係即刻幻想咗嗰個畫面，然後覺得嘩！如果有就好…但我突然之間返番嚟現實我又會諗，其實做唔做到呢？」
林俊其親口向羅毓儀許下「愛的承諾」
面對Yuki的不安，Kris爆出驚人秘密，原來為了儲錢與Yuki組織家庭，Kris在沒有告知Yuki的情況下，偷偷接了幕後剪片工作「搵外快」，令Yuki大為感動及驚喜，Kris：「因為我好想呢段關係繼續落去，我依家諗多咗，我要諗埋你，其實我識剪片啦，我接咗啲剪片job嚟做啦」，Yuki「你講真架？」Kris聞言竟傻氣問到：「出唔出得街架呢個？」
「我依家諗多咗，我要諗埋你」
Kris事後接受製作組訪問時說：「我哋傾得最多係未來，Camping完咗之後，我即刻搵好多幕後工作」、「我覺得少少哋都好吖，慢慢、慢慢儲吓先，我最終目標係想儲一嚿錢，去擁有一個屬於我哋個家咯。」獲力讚「以實際行動照顧Yuki」。
港生活人氣娛樂新聞
【中秋快閃搶】送您盲盒月餅🥮
↓ 打開神秘驚喜✨同親友食住月餅一齊賞月🌕 ↓
↓【限時搶⚡】Yuskin悠斯晶紫蘇精華系列↓
↓紫蘇精華全效防曬乳｜紫蘇全效保濕煥膚修護面膜↓
假日好去處