太子花墟搞$1拍賣吸客！超抵價買到新鮮花束/蘭花/盆栽！店員一舉動獲讚好敬業

太子花墟大搞$1拍賣會 樓主分享拍賣經過

有港人在Threads上發帖，指早前途經太子花墟時，驚喜發現花墟中有多間店舖舉行「$1拍賣」，當中包括新鮮花束、大大小小盆栽等。樓主更在競拍中以超值價入手心頭好，「$2拍到一盆紅星花，$30拍到一扎細花」，而旁邊一名叔叔則以$30成功投得一盆蘭花。她補充指，拍賣過程氣氛熱鬧，店員態度親切，並大讚：「好佩服啲店員好敬業，就算得一個人拍兩蚊，都好好笑容」。

+3

+2

點擊圖片放大

網民大讚抵買又好玩

帖文曝光後，很快引來大批網民留言討論，不少人直言「抵買」、「有得玩 有得買 唔使扔」，更有人留言指「行花墟嘅氛圍好正，有時唔覺唔覺都行上兩個鐘，得閒5:00又有地方可以去趁熱鬧」。另有網民追問拍賣會詳情：「琴日經過冇留意，係咪日日有？」樓主隨即回覆指：「店員話每日5pm」。

+2

點擊圖片放大

網民慨嘆：香港做生意難

不少人指出，低價拍賣既能減少浪費，也能吸引更多市民消費。但亦有不少留言感慨，指花墟拍賣活動其實是在反映本地零售困境，有人直言「花墟靜咗好多」、「應該生意超差，但佩服佢哋諗方法搵出路」，更有網民坦言：「無辦法，因為呢家見到好多人都用拼多多買植物」，認為本地花店正面對內地網購平台的衝擊，只能透過另類方式自救。

拍賣並非新鮮事？網民：好耐之前已經有

有熟悉花墟情況的網民留言補充，表示低價拍賣其實早已存在，「好耐了，只是大時大節沒這個活動，平時一樣有」、「似好耐之前已經有呢個環節，未必關生意差事」。亦有行內人士解釋，指部分花店不會將花再養回店內，加上大陸溫室種植花卉成本極低，反而本地運輸及垃圾處理費更貴，因此店舖寧願以低價清貨。

+4

+3

點擊圖片放大

來源：Threads