女神配對計劃｜葉蒨文認愛後IG只follow一人男友曾展望 「一秒轉身」鎖定GM甜蜜謝票

「新婚現場」畫面甜蜜爆表

原本GM有點害羞、不斷採取拖字訣，但最後敵不過全場起哄，「十秒！十秒！」，GM最終把心一橫捉實Sophie雙臂，二人開始在熱鬧的十秒倒數聲音下錫錫；但搞笑的是，當倒數至三時，Sophie突然向後縮兼怕醜地雙掩面，獲監製起哄大叫：「要重頭嚟過！」GM聞言搞笑崩潰大叫：「夠喇！」可惜還是遭監製再三要求redo，最終GM搞笑向監製下戰書：「你再講我錫你呀！」場面混亂又搞笑。

+2

點擊圖片放大

+2

點擊圖片放大

曾展望額頭四吻葉蒨文

最終幾經「喧鬧」，GM再度主動捉實Sophie手臂並溫柔地吻向Sophie額頭，並於極短時間內連錫4吓，此時頑皮的監製又起哄：「錫埋塊面啦！」GM亦「順攤」地連錫Sophie面珠仔4吓，如此甜到漏，難怪不少網民大讚是新婚現場。

葉蒨文霸氣「強吻」曾展望

話明「新婚現場」，結完婚禮成當然有下場，事緣眾人睇完大結局，再前往After Party慶功，席間Sophie GM再度大晒花槍！事緣眾人直播期間，又再起哄大叫GM Sophie錫錫，被起哄之聲吸引入鏡的Sophie，隨即搞笑地大叫：「GM，過嚟！」之後再搞笑地「霸氣捧」GM面，並「強行」吻向GM面珠，結果成功引發全場起哄，受寵若驚的GM更要「飲水定驚」，相當好笑。

合唱《情非得已》 主動牽手

之後，二人又徇眾要求合唱GM海選時的面試歌曲《情非得已》；期間二人遭起哄拖手，結果因為GM太害羞，最後又是要Sophie主動伸出玉手讓GM拖。

+2

點擊圖片放大

葉蒨文一秒轉身鎖定曾展望

Sophie接受娛樂新聞台訪問，被問到為何在「最後告白」中「一秒轉身」鎖定GM，她笑言：「因為由開始到依家都考慮咗好耐啦嘛，咁我覺得我個人就係：『係就係，唔係就唔係！』決定咗就做囉！」GM則坦言未被揀中一刻，心情都依然忐忑：「我都冇乜心情睇佢哋（其他求愛勇者），我都囉囉攣…其實（我）都唔係講咗好多（嘢），因為我（當時）好亂。」Sophie：「其實頭先有all in 嘅感覺。」

+2

點擊圖片放大

Sophie親揭拍真人騷最大關鍵

另Sophie及GM還透過tvb.com甜蜜謝票，Sophie：「我一開始知道要做真人騷呢，我就已經想送呢份禮物畀你哋啦。就係『真』！的確有啲戀綜係有劇本嘅，咁我覺得自己作為一個Artist，送畀觀眾嘅嘢就係真實感。所以全程我都堅持係...真實咁去感受，將自己成個人揼曬落嚟嘅，我希望你哋（觀眾）會鍾意我送畀你哋嘅呢份禮物，多謝你哋一路支持！」