8號風球外傭仍堅持做一事 僱主嬲到震稱「勤力冇腦」！網友分享類似經歷：佢哋完全冇視天氣架

暴風下仍堅持洗衫晾衫？僱主無奈：勤力冇腦

一名僱主在Facebook群組「聘請工人姐姐關注組」發文，他無奈表示：「（外傭）勤力係好事，問題冇腦啊，救命！」事緣他在打風前一晚已把露台物品及晾衣架收好，預早作好防風部署，怎料工人姐姐翌日卻堅持要清洗自己衣物並打算晾到露台，令他感到氣憤難平：「大佬，三號啊！兩點二十就掛八號！洗乜L衫呀？癡線！」

事後，樓主亦在留言中補充，指對方早前還主動詢問是否需要預先買菜：「Tuesday/Wednesday打風，要唔要買多d菜返黎啊」，原以為對方警覺性有所提高，未料真正面對風球時卻「打回原形」，令他忍不住嘆氣：「我仲係以為佢醒啦！點知都係冇腦」。

網民一面倒共鳴

帖文一出，隨即引發大批網民熱議，留言一面倒支持樓主觀點。不少人認為，部分外傭未具備足夠天氣意識，「佢哋好攪笑，完全唔識睇個天，同埋好似唔明打風係乜嘢嚟」。留言中，亦有人笑言樓主的外傭屬於「勤力的員工」，更半開玩笑表示「姐姐想借個機會，舊既唔吹走，新既唔嚟」。

▼網民點睇▼

+5

+4

點擊圖片放大

網民分享類似經歷：風球曬棉胎、開露台門都有

亦有網民留言分享相似經歷，指家中工人姐姐曾在風球期間清洗床上用品、曬棉胎，甚至落大雨也堅持要出門，「上一次打8號我姐姐死都要出去，阻都阻唔到」、「我個姐姐就算落雨都要洗床單，唔識等多日」、「我嗰個10號風球底下仲想開露台門攞嘢」，種種「無視天氣」的行為令僱主們哭笑不得。

▼網民留言分享相似經歷▼

+10

+9

點擊圖片放大

部分網民表示理解：唔洗衫堆到似難民營

不過，亦有部分網民對工人姐姐表示理解，認為在天氣仍然穩定時趁早洗衫並無不妥，「我反而叫姐姐有得洗就盡洗，到時掛8就2日唔可以洗衫，唔想堆到爆晒」、「我反而係叫佢明知打風落雨，半機就要洗，唔好堆咁多」。亦有網民指出，這類情況表面上看似小事，但往往是長期累積的不滿所致：「相信佢唔係第一次蠢，而係日日都好多呢啲事發生，所以你忍唔住要呻啦，我明」。

來源：Facebook@聘請工人姐姐關注組