荃灣連鎖酒樓推超抵早茶優惠！$6.8食到鳳爪排骨飯 孖寶點心平到喊現時光倒流價？網民憂：慢性自殺
在通脹時代竟然仲有「$6.8排骨飯」？近日，有市民發現荃灣一間連鎖酒樓推出超抵早茶優惠，鳳爪排骨飯低至$6.8，點心$36任選兩款。帖文引來網民熱議，有人大讚「抵到爛」，但亦有人擔心賤賣難以持久，甚至直言是「慢性自殺」，遲早難逃結業命運！
荃灣酒樓推超抵早茶！樓主：再平D，$6.8排骨飯
最近Facebook群組「香港酒樓關注組」上，有市民發帖分享飲早茶經歷，表示早前路經荃灣中染大廈，發現大廈內的連鎖酒樓推出破格早茶優惠，南瓜肉碎粥、鳳爪排骨飯低至$6.8就食到，更推出「$36兩款孖寶點心」的優惠，款式選擇豐富，包括蟹籽燒賣、香茜牛肉腸、手工流沙包等超過數十款。
從照片可見，當日樓主點了一份$6.8鳳爪排骨飯，以及一份「孖寶點心」的山竹牛肉球、潮州粉果作配搭，味道方面他坦言「不過不失」，但以價錢計絕對實惠親民。
抵食到爆？網民：點心拼盤$37有8件
不少網民對此表示震驚，紛紛留言大讚「好抵食」、「抵到爛」，更有茶客透露，指「佢個點心拼盤好抵喎，$37一籠有8件點心」，以現時經濟環境而言，即使味道只是普通也值得一試。
慢性自殺？網民憂遲早會執笠...
亦有網民表示擔憂，質疑如此超低價經營模式是否長久，「慢性自殺將執笠，如何圍皮租項高」、「送俾大家食，維持正常運作，租期到就bye」，也有人指出這屬常見「引客優惠」策略，「根本吸引茶客食多些，50多元埋單」，甚至留言批評：「將貨就價啫，幾多舊排骨有一全隻鳳爪？」
▼網民點睇▼
港生活人氣本地熱話
↓【限時搶⚡】激賞卡樂B熱浪香辣味蝦片 ↓
↓ 熱浪香辣味+金黃鬆脆蝦片 ↓
【請您去】香港挪亞方舟「動・森・萌樂園」
↓ 零距離接觸活潑小動物、全港首個大自然主題光影互動展館 ↓
假日好去處