內地2天團二人同行一人免費 人均$50有找？香港YouTuber夫婦實測惹網民兩極回應：不嬲免費係最貴

東莞2天超值團！人均$49.5住靚酒店包三餐

香港YouTuber夫婦「思思言輝輝手」，近日於Facebook群組「深圳大陸食玩買交流」發帖，分享參加深圳旅行團的經歷。他們在帖文中提到所參加的是「東莞2天超值團」，每位團費$99，二人同行一人免費，人均只需$49.5。

同時，他們亦強調全程「冇強迫購物」，行程包括入住開業僅3年的酒店，房間乾淨舒適，包三餐自助餐，酒店還提供卡拉OK、麻雀枱、兒童樂園、健身房等設施。此外，酒店附近亦有大型商場及宵夜檔，並附上完整影片記錄行程，大讚整體「合格有餘，真心抵玩」。

▼即睇$99東莞2天超值團有咩玩▼

+30

+29

點擊圖片放大

▼酒店房間開箱▼

+8

+7

點擊圖片放大

香港YouTuber夫婦激讚「超值」

對於今次旅程，他們一致認為物有所值，直言：「團費人均$49.5，入住開幕只有三年的酒店，房間舒適，又有三餐自助餐、免費卡拉OK和麻雀耍樂，覺得非常超值！」

網民力撐抵玩：我參加過

帖文一出，迅速吸引關注，不少網友留言力撐「超值」、「癲平」，甚至有人認出曾參加過類似團，分享「呢團我參加過，確實係抵，d平價團一向都抵玩」。

平到令人驚？網民憂「免費最貴」

不過，亦有不少網民抱懷疑態度，認為價錢「平得不尋常」，紛紛留言追問：「咁人哋靠甚麼生存？做人要講真話」、「真係做到咁平點樣唔死呀」。亦有留言指「免費係最貴」，擔心中伏，更懷疑該團是「睇樓團」或有隱藏式推銷，「做人有返啲良心，呢啲睇樓團你又唔講明」、「怕瞓醒發現身處KK...」、「禁錮購物先攞你命，平價團，見過鬼都怕黑」、「最後係口腔睇牙，樓主賺廣告錢」。

+11

+10

點擊圖片放大

YouTuber夫婦回應：呢團冇購物、冇樓睇

面對網上質疑，「思思言輝輝手」再度留言澄清，指整個行程並無安排購物站或睇樓活動，亦無任何額外收費，只有團費與一般旅行團所需的小費。團費之所以能夠如此便宜，他們解釋是因為有商業贊助，並非蝕本經營。

同時，「思思言輝輝手」再三強調帖文並無任何商業合作或推銷成分，又指平價團已舉辦多次，「佢哋既平價團一向都係抵玩，呢團每日都好多人報名」，甚至有團友重複參加。他們坦言：「當然亦有團友覺得聽講座太耐，但有權利必有義務，平價團就係咁架啦，參唔参加係個人選擇，但我哋就覺得超值」。

來源：Facebook@深圳大陸食玩買交流

授權影片：YouTube@思思言輝輝手